الأولى على الثانوية الأزهرية مكفوفين: نفسي أكون مدرسة لغة عربية
الأولى على الثانوية الأزهرية مكفوفين: نفسي أكون مدرسة لغة عربية
- الثانوية الأزهرية
- الثانوية الأزهرية مكفوفين
- شيخ الأزهر
- الأزهر الشريف
- الثانوية الأزهرية
- الثانوية الأزهرية مكفوفين
- شيخ الأزهر
- الأزهر الشريف
قالت الطالبة حبيبة محمد عبد الفتاح، الأولى على الثانوية الأزهرية شعبة ذوي البصائر «المكفوفين» إنها تلقت مكالمة فضيلة الإمام الأكبر وهي تعرف صوته وتميزه بشكل خاص، وهنأها بالتفوق وأنها الأولى على الثانوية الأزهرية في الشعبة الخاصة بها.
وأضافت حبيبة لـ«الوطن»: «كنت متابعة أخبار الأوائل ومكنتش متوقعة إني الأولى لكن كان نفسي، واتفاجئت بالإمام الطيب بيقولي إني الأولى على الثانوية الأزهرية وصوت فضيلة الإمام بالنسبة لي مميز ومكنتش مستوعبة لكن كنت بعيط، وأتمنى كل طالب وطالبة يجرب الإحساس ده وفرحة كبيرة جدا فعلا لما فضيلة الإمام هنأ أهلي بنجاحي».
معلمة لغة عربية
وعن أحلامها وطموحتها قالت حبيبة: «أتمنى أدخل كلية اللغة العربية لحبي للغة، لأني بعتبر اللغة هي كل حاجة، وأمنيتي أكون معلمة ومدرسة لغة عربية وأصحح الأخطاء اللى بتهدد اللغة في ظل ظهور العامية وتدهور الفصحى».
نظام مذاكرة الأولى على الثانوية الأزهرية
وتابعت الأولى على الثانوية الأزهرية: «مذاكرتي مش بعدد ساعات محددة لكن كنت مخططة بشكل يومي وأسبوعي وشهري حسب قدرتي، وده من أسرار نجاحي وربنا وفقني لأني كنت بخطط وفقا لقدرتي، وكنت منظمة يومي وملتزمة بالمواعيد في كل يوم مذاكرة، أنصح الطلاب بتقوية علاقتهم بربنا لأنها أهم من المذاكرة وخاصة الصلاة والفروض والدعاء وكرم ربنا هو سبب تفوقي، وكمان لازم الطلاب يكونوا حريصين على مستقبلهم وتخطيط يومهم لأن الوقت غالي جدا ونحافظ عليه ونثق إن ربنا هيوفقنا ويكرمنا على قد تعبنا ومجهودنا ولازم يكون عندنا هدف».
ووجهت الطالبة حبيبة عبد الفتاح الشكر للمعلمين والمدرسين: «اتعلمت على إيديهم وأنا هنا بفضل جهودهم وبشكر أهلى وعائلتي اللى سندوني ودعموني وبشكر كل اللى دعا لي وساعدني ولو بكلمة، وأهمهم أصدقائي وأصحابي وأختي اللى كانت مرافقة ليا في الامتحانات، وشكر خاص لفضيلة الإمام الطيب على محافظته على منظومة التعليم الأزهري ودفاعه عن الحق واهتمامه بالأوائل».
