الرئيس السيسي يستجيب لطلب طفلة في «قادرون باختلاف»: «تحت أمرك يا تاليا»

بعد مشاهدتها لأفلام كارتون أجنبي مصنوعة خصيصا للمكفوفين، بتقنيات وصف الصوت، طلبت الطفلة تاليا، من الرئيس عبد الفتاح السيسي، خلال احتفالية «قادرون باختلاف» في نسختها الخامسة، محاكاتها في مصر، قائلة: «ممكن في الأفلام والكارتون العاديين يتعملوا بنفس الطريقة، عشان نعرف ننبسط بهم إحنا كمان».

تاليا توجه طلبا للرئيس السيسي 

وعلى الفور استجاب الرئيس السيسي على طلبها: «تحت أمرك يا تاليا»، مضيفا أن وزارة الثقافة تتعاون مع وزارات الشباب والتضامن والجامعات المعنية وشركات الأعمال لتنفيذ الفكرة، «نحن مستعدين ونوجه رئيس الوزراء بالاهتمام بالأمر، وإن شاء الله هنعملها».

«أنا بحبك حضرتك جدا يا ريس، ومبسوطة إني كنت مع حضرتك السنة اللي فاتت والسنة دي».. ووجهت تاليا الشكر للرئيس قائلة: «شكرا جدا فخامة الرئيس.. وأي حد بيشارك في الحفلة دي بيبقى مبسوط أنه قدام سيادتك يا فخامة الريس».

تاليا توجه الشكر للرئيس السيسي

وتوجه الرئيس السيسي بالشكر لـ«تاليا»: «أنا اللي بشكرك وسعيد أوي أني بشوفك السنة دي بخير وكبرتي وبتعلمينا وبتقولي حاجات جميلة وعلمينا يا تاليا.. علمونا وفهمونا ومتبخليش.. وأنا سعيد وهابقى سعيد أكتر أما أشوفك، وربنا يخليك وكل سنة وأنت طيبة وبالصحة والسلامة.. باي باي يا جميلة».

• الطفلة تالية
• الرئيس السيسي
• قادرون باختلاف
• احتفالية قادرون باختلاف
• الطفلة تالية
• الرئيس السيسي
• قادرون باختلاف
• احتفالية قادرون باختلاف