أهالى المطرية: "البيت بيت أبونا والإخوان يطردونا"
أهالى المطرية: "البيت بيت أبونا والإخوان يطردونا"
على مسافة بعيدة من ميدان المطرية تمتلئ الشوارع كل مساء، حتى تخلو الأرض من موضع قدم، يتجمهر الإخوان وأنصارهم أمام منصة خشبية يعتليها بعض قيادات التنظيم، الذين ما زالوا يسعون فى الأرض فساداً خارج السجون، ليعيدوا أعمال الفوضى والشغب على مدار ثلاثة أيام.
دقت الثامنة من مساء أمس الأول، لفت اصطفافهم انتباه عادل محمد، أحد سكان شارع التعاون، اعتقد فى البداية أنها مسيرة إخوانية تمر من أمام منزله كما اعتاد فى كل جمعة، لكن فى تلك المرة لم تمر، واتخذ المتظاهرون وسط الشارع ملاذاً لاعتصامهم فى غياب الأمن، ما منع الأهالى من التحرك، يقول الرجل الستينى: «الشرطة واقفة فى ميدان المطرية بعد اعتصامهم الأخير، وبيجروا وراهم فى الشوارع الجانبية لما بيستخبوا، لكن محدش من الأمن واقف عندنا، وهما كل يوم بالليل يتجمعوا ويهتفوا، وفاكرين نفسهم معتصمين».
موضحاً: «فيه ميكروباصات فى الشوارع الجانبية منتظراهم، وبعد ما يخلصوا ضرب الشماريخ واعتصامهم اللى بيعملوه، بيروحوا ليها وتختفى ومانعرفش بيقفوا فين، لحد تانى يوم بالليل يرجعوا يظهروا تانى كأنهم فى اعتصام رابعة، ويقفلوا الشارع كأنه عزبة أبوهم، ومحدش مننا يقدر ينزل وسطهم».
