الرئيس السيسي: إحدى مقالات هيكل كانت من خطة الخداع الاستراتيجي بحرب أكتوبر
الرئيس السيسي: إحدى مقالات هيكل كانت من خطة الخداع الاستراتيجي بحرب أكتوبر
قال الرئيس عبدالفتاح السيسي، خلال فعاليات الندوة التثقيفية للقوات المسلحة، احتفالًا باليوبيل الذهبي لانتصارات أكتوبر المجيدة، إنه «في سنة 1967 كان عندي وقتها 13 سنة، والله كنت فاكر كل حاجة اتعملت من شدوان لراس العش للمدمرة إيلات لحريق الزيتية ولبلوظة ورمانة، أي بيان اتقال في الوقت ده كنت موثقه وجايب جرايده وحاطتها بالإضافة للي كنت بسمعه، والكتب اللي خرجت تتكلم عن الوقائع دي كلها».
وأضاف «السيسي» بالندوة التثقيفية للقوات المسلحة بمناسبة مرور 50 عاما على نصر أكتوبر المجيد، «فيه مقالة من المقالات اللي اتقالت كانت ضمن خطة الخداع الاستراتيجي، كان كاتبها الكاتب الراحل المفكر العظيم محمد حسنين هيكل اتكلم فيها عن محاولات الجيش المصري للعبور والنتائج اللي كانت بتحصل فيها».
وتابع: «كنت أقرأ في الوقت ده كل المقالات اللي بتصدر عن الحرب، والصراع اللي موجود وحرب الاستنزاف، المقالة دي لو جبتها دلوقتي شوف بعد أكتر من 51 سنة لأنها اتعملت في الفترة ما بعد السبيعينات يعني 1971 في الفترة دي، لو جبت المقالة دي وشوفتوها وقريتوها هتعرفوا قد إيه حجم القفزة، ده مكنش ممكن حد تاني يعملها إلا الجيش المصري».
