الرئيس وعد بدعم الفلاحين.. و"عبدالشافي": "إحنا أهو يا ريس"

05:21 م | الأربعاء 04 مارس 2015

ما بين الأمل والخوف، يعيش "عبد الشافي" وصغار الفلاحين في قرية السيوفي بكفر الشيخ، بعد سماع حديث الرئيس الأخير عن إسقاط بعض ديون صغار المزارعين، فبقدر فرحتهم باستكمال سد الديون التي طالت جيرانهم بقرى مجاورة لهم، بقدر القلق من عدم الوصول إليهم ودخولهم في خريطة سداد ديونهم المتراكمة قبل سنوات. "إحنا أهو يا ريس"، قالها عبدالشافي محمد، أحد الفلاحين الصغار بقرية السيوفي، لتشمله نظرة من الرئيس وباقي فلاحين قريته المحتاجين، مطالباً "السيسي" أن يرى جميع المزارعين بقريته التي تراكمت عليهم الفوائد دون معرفة سدادها، "بقالنا فترة بنسمع من جيراننا أن الحكومة بتسدد ديونهم وكنا فاكرين إنها إشاعات، وأول ما السيسي طلع وأكد المعلومة فرحنا جدًا بس خايفين نتنسي في الوسط". "10 آلاف جنيه"، المبلغ الذي تراكم على الرجل الستيني ولم يعد قادرًا على سداده، منتظرًا الأمل من قرار الرئيس الذي وعد به وأوفى جزءًا منه، "السماد والبذور اللي كنت باخدهم من البنك فوائدهم كترت عليا لأني بقالي سنتين مبدفعش مع خسارة كل محصول، وأنا معيش جنية أدفعه وأقدر أسد بيه والفوائد عماله تزيد عليا"، مؤكدًا أنه يثق في وعود "السيسي" لكنه يخشى في عدم وصول القرار لهم، "جيرانا اللي تسدد ليهم الديون مش محتاجين أكتر مننا، وديونهم أقل مننا بكتير وناس مرتاحة عننا، ده في ناس عندنا ديونهم وصلت لـ20 و30 ألف ومش عارفين يجيبوا منين، ده غير الفقر والإهمال اللي في قريتنا وعايشين فيه وراضيين"، مضيفاً "إحنا واثقين في قرار الريس وإنه هيوفي بيه، بس إحنا محتاجين يتنفذ علينا في أقرب وقت عشان الفوايد متزدش علينا أكتر من كده".