السيسي يوقع على كرة لأحد ناشئي نادي شربين: «لو عايز تبقى بطل اتمرن كتير»
السيسي يوقع على كرة لأحد ناشئي نادي شربين: «لو عايز تبقى بطل اتمرن كتير»
وقع الرئيس عبدالفتاح السيسي، على كرة لأحد ناشئي نادي شربين الرياضي، بمناسبة عيد ميلاد اللاعب، أثناء تفقده اليوم الخميس، لنادي شربين الرياضي، خلال افتتاحه مدينة المنصورة الجديدة.
وقال «يوسف»، أحد ناشئي نادي شربين، موجها حديثه للرئيس: «أنا اسمي يوسف سعيد نصير من مركز كفر الزيات، حضرتك تعرف إن عيد ميلادي النهاردة، دا أحسن عيد ميلاد، وأحسن يوم في حياتي»، وطلب من الرئيس التوقيع على الكرة.
وسأله السيسي، هل ستلعب بها أم تحتفظ بها؟ فقال إنه سيحتفظ بها، فكتب الرئيس عليها: «بسم الله الرحمن الرحيم، ابني يوسف، كل سنة وأنت طيب يا يوسف».
وسأل يوسف الرئيس: «هو أنا ممكن أبقى في يوم من الأيام زي محمد صلاح؟»، فرد السيسي: «أنت بتشوف الصورة النهائية، لكن شوف محمد صلاح عمل إيه في حياته، واسأل الكابتن أحمد والكابتن عبدالستار عملوا إيه، مفيش حاجة مستحيلة، ومفيش حاجة بالساهل أو ببلاش، لو عايز تبقى بطل اتمرن والعب، لازم تلعب لوحدك في البيت برا التمرين، وتقوي إيديك ورجليك ويبقى جسمك قوي».
ورد الكابتن محمود سعد لاعب نادي الزمالك ومنتخب مصر السابق، بأن اللاعب «من بلد محمد صلاح وأشول زيه».
