شيرين عبد الوهاب: نفيت رفع حسام حبيب السلاح عليا لأني بنت أصول

10:06 م | الثلاثاء 19 يوليو 2022

قالت الفنانة شيرين عبد الوهاب، إن طليقها الفنان حسام حبيب كان يتشاجر معها كل خميس، وأضافت: «بيقولي الناس بتقول عليا أنا حرامي وسرقت فلوسك، الناس بتقول عليا إني رفعت عليكي سلاح، فيه شخص اتدخل وكان عاوز يصلحنا ويحل المشكلة، قال لي: إيه رأيك لو الأسئلة دي تطرح وتجاوبي عليها على إنستجرام، فقلت له طبعًا».

شيرين عبدالوهاب: برأت حسام عشان يعرف يتجوز تاني

وأضافت «عبد الوهاب»، خلال مداخلة هاتفية في برنامج «كلمة أخيرة»، مع الإعلامية لميس الحديدي، الذي يُعرض على شاشة «أون»: «كلمت جميل سعيد المحامي قولت له شهادة الحق مرفعش عليا السلاح، قلت كده بس عشان أنا بنت أصول، أنا بنت أصول يا لميس، هتقولي إيه بقى، قولت أبرأه عشان أنا ست بنت أصول عشان أخليه يتجوز تاني، بس الواقعة حصلت».