السيسي: عندي حلم بتغيير رؤوس الماشية لدى الفلاحين بأخرى مطورة
السيسي: عندي حلم بتغيير رؤوس الماشية لدى الفلاحين بأخرى مطورة
قال الرئيس عبدالفتاح السيسي: «عندي حلم عاوز أطلبه من وزير الزراعة على الهواء كدا.. حجم الرؤوس الماشية اللي يمتلكها الفلاح المصري حوالي 2 مليون رأس، وبقول للمصريين وكل اللي مهتم من المجتمع المدني هو حلم كبير أوي بس مش كبير علينا ولا على المصريين: اللي عنده رأس ماشية غير مطورة بتآكل نفس الأكل اللي بيآكله الماشية المستوردة التي تم تطويرها لكن المطورة تنتج لحم حوالي 7 كيلو في اليوم، وغير المطورة حوالي 1.5 كيلو، والـ2 مليون رأس ماشية لو اتغيروا وأخدناهم وأدينا للفلاحين النوع اللي بيزيد، الـ2 مليون دول هيدوني كتير جدا، والراس اللي كانت بتعمل ألف جنيه تعمل 5 آلاف جنيه، ولو عاوزين نغير حياة الناس لازم نعمل ده».
الرئيس: مفيش حل غير إحلال الـ 2 مليون رأس ماشية برؤوس مطورة
وأوضح الرئيس خلال افتتاحه مشروع مستقبل مصر قائلا:«إزاي أقنع الفلاح بإنه الماشية اللي بيأكلها نفس الأكل واحدة مثيلة لها بتجيب إنتاج أكتر، دكتور مصطفى مدبولي هيشيل الهم دا، بس مفيش حل تاني إننا لازم ناخد الـ2 مليون على سنة أو اتنين نذبحهم ونعمل إحلال بالرؤوس المستوردة، وبعد سنتين أو 3 هيكون عندنا وضع تاني للإنتاج الحيواني».
وأضاف: «إنتاج الألبان في رأس الماشية المطورة له فارق كبير، لو العادية بيعمل 7 أو 8 كيلو في اليوم، المطورة تنتج 20 كيلو وأكتر، ووزير الزراعة لما قولتله كدا قالي هنودي اللبن فين؟ قلنا لما نعمل مصانع للبن المجفف نوفر للمواطنين الإنتاج اللي لما بيزيد السعر بيقل، وبناشد الجمعيات الأهلية مثل الأورمان ومصر الخير اللي بيدوا الناس رأس ماشية، دي مش هتغنيه لكن لو عاوزين نزود الدخل نجيب الرؤوس المطورة، علشان نغير حياة المواطنين برأس الماشية المطورة، ولأن ثمنها غالي الدولة ممكن تدخل في الموضوع ووزارة التضامن من خلال تكافل وكرامة تطور البرنامج وتساعد».
الرئيس: نحتاج لمضاعفة الانتاج مرة أو 2
واستكمل الرئيس حديثه عن الانتاج الزراعي قائلا: «لو رجعنا لأيام سيدنا يوسف وشوفنا ليه ساب القمح في سنابله، هنشوف إنه لو كان عمل حصاد وبقى القمح كدا مكانش هيستحمل التخزين ويتلف، والذرة كذلك، فالدول المتقدمة التي تورد لنا الذرة تجففه وتصدره لنا، ومكانش بيتعمل عندنا لأنه معندناش مجففات التي تجفف المحصول قبل الوضع في الصومعة، وهو ما جاري معالجته الآن».
وواصل الرئيس قائلا: «مزرعة اللاهون للزراعات المحمية موجودة في الفيوم، وهي من ضمن المحافظات التي كانت تحتاج لتشغيل وتواجد الصوب الرزاعية يشغل الكثير من العمالة بشكل جيد».
