المطربة أمينة تعلن وفاة الفنان جمال فؤاد: أطيب وأحن وأجدع من قابلت
المطربة أمينة تعلن وفاة الفنان جمال فؤاد: أطيب وأحن وأجدع من قابلت
أعلنت المطربة أمينة، وفاة الفنان جمال فؤاد، وكتبت عبر حسابها على «إنستجرام»: «جمال فؤاد توفاه الله، وهو دلوقتي حالًا بيدفن في البحيرة، أمانة تدعوله فهو من أطيب وأحن وأجدع من قابلت، طيب وكان نفسه يحقق حاجة نفسه فيها، بس قضاء الله وقدره وأمره نفذ، إنا لله وإنا إليه راجعون، الله يرحمك يا جمال، الله يرحمك، فضلًا وليس أمرا أدعوله فهو الآن يسأل».
جمال فؤاد يشارك في فيلم «الشرابية»
وشارك مؤخرا جمال فؤاد، في فيلم «الشرابية» مع عدد من نجوم الفن ومنهم أمينة، لطفي لبيب، علاء مرسي، راندا البحيري، حسن عبد الفتاح، سليمان عيد، منير مكرم، وحسن عيد.
آخر منشورات جمال فؤاد على «فيس بوك»
وكان آخر منشورات جمال فؤاد، على «فيس بوك»: «أكتر حاجة بكرهها إن حد يلقح على حد بالكلام من غير ما يجيب سيرته، علشان يخلي خصمه يعرف يرد عليه، إنما الخيبة اللي بتلقح كلام وتقول الحدق يفهم ماعدش حد دلوقتي بيحط في دماغه إنه يفهم، بحس شخصية معندهاش الشجاعة الكافية إنها تواجه خصمها، يا جماعة الكلام ده مش قاصد بيه حد، بس خلاص قربت أمسح الفيس من عندي بسبب النفاق، وقربت أنسى إني راجل متربي على الشجاعة مش الجبن زي، أنا مش قاصد حد، بس نصيحة مني اللي عاوز يقول لحد حاجة يقولها في وشه ومايبقاش منافق وجبان، شكرا، تحياتي، إن شاء الله كل يوم أجبلكم نصيحة حلوى».
