أول تعليق من مفيد فوزي بعد إصابته بشرخ في الكتف: «طوبة السبب»

كشفت الإعلامية حنان مفيد فوزي، عن إصابة والدها الإعلامي مفيد فوزي بكسر في مفصل الكتف، عبر صفحتها الخاصة على موقع «إنستجرام»، ما شكّل حالة من القلق من قبل الجمهور عليه.

مفيد فوزي يكشف تفاصيل إصابته

وفي أول تعليق للإعلامي مفيد فوزي، كشف تفاصيل ما حدث، وقال في تصريحات خاصة لـ«الوطن»: «عايز أشكر كل الناس اللي قلقت عليا، وسألت الحمدلله أنا أحسن بكتير.. إن شاء الله تعدي على خير».

وكشف فوزى السبب وراء ما تعرض له، «كنت ماشي في الشارع على الرصيف في وسط البلد فاتكعبلت في طوبة؛ لأن كان فيه تصليحات بتحصل في الرصيف فوقعت على كتفي».

وتابع فوزي: «الحمدلله أنا بمشي وكويس وكل حاجة بس إيدي حصل شرخ في الترقوة، وروحت للطبيب المعالج لكنه قالي إن الموضوع مش محتاج خالص تدخل جراحي، هيا بس محتاجة راحة ودوا ومساج وعلاج طبيعي وإن شاء الله هتبقى زي الفل».

إصابة مفيد فوزي

كانت الإعلامية حنان مفيد فوزي، شاركت الجمهور بمنشور عبر خاصية «الاستوري»، عبر صفحتها الخاصة على موقع «إنستجرام»، قالت فيه: «بعد مرور 10 أيام من الخضة والقلق والحيرة والألم على بابا مضطرة أنطق علشان أجاوب الناس اللي بيسألوا عنه ومش بيرد ونشكر ربنا على كل حال باب تعرض إلى كسر في مفصل الكتف اليمنى والوضع لا يسمح بتدخل جراحي».

• مفيد فوزي
• اخبار مفيد فوزي
• اصابة مفيد فوزي
• برامج مفيد فوزي
• مفيد فوزي
• اخبار مفيد فوزي
• اصابة مفيد فوزي
• برامج مفيد فوزي