السيسي: «بنتألم لما بنلاقي تعدي على أراضي زراعية.. وحرام نهدر الترع»

12:09 م | الاثنين 27 سبتمبر 2021

قال الرئيس عبدالفتاح السيسي إن الدولة تعالج المياه لإعادة استخدامها مرة أخرى: «المياه اللي هتطلع من المعالجة تكفي 500 ألف فدان، وكتير من اللي بيسمعونا هيقول علشان نزرع 500 ألف فدان نصرف 160 مليار؟.. هو رقم كبير أوي صحيح.. عرفتوا ليه إحنا بنتألم لما بنلاقي تعدي على الأراضي الزراعية، والنهارده تتعدوا خلال 10 سنين تاخدوا 700 أو 800 ألف فدان؟، ده إحنا علشان نعمل نص مليون فدان جداد داخلين في 160 مليار جنيه، وبقول كده علشان تبقى الأمور واضحة، لازم تعرفوا إني علشان أوصل للنص فدان دول عاوز شبكة طرق وشبكة ري وعاوز شبكة كهرباء ونظم ري حديثة ومنشآت للناس اللي هتعيش على الأرض دي».

وأضاف الرئيس السيسي خلال حفل افتتاح محطة معالجة مياه مصرف بحر البقر: «كل ده علشان يتعمل هيتكلف مبالغ كتير، مش كنتو بتسمعوا في دول فيها 50 مليون فدان وفيه دولة فيها 100 مليون ماتزرعتش ليه؟ علشان زراعة الأرض ممكن تدخل في 200 مليار جنيه علشان تعملها صح وتشق لها ترع ومصارف وطرق.. فلينا حق نقول حرام نهدر الترع الموجودة».

افتتاح محطة معالجة مياه مصرف بحر البقر

وافتتح الرئيس عبدالفتاح السيسي، اليوم الاثنين، محطة معالجة مياه مصرف بحر البقر، بشرق بورسعيد، التي تعد الأضخم من نوعها على مستوى العالم، بتكلفة نحو 20 مليار جنيه وبطاقة إنتاجية 5.6 مليون متر مكعب في اليوم من المياه المعالجة ثلاثياً.

استصلاح 400 ألف فدان في شمال سيناء بالمياه المهدرة

وتستصلح محطة معالجة مياه مصرف بحر البقر بشرق بورسعيد، 400 ألف فدان في شمال سيناء من مياه مهدرة سنويًا، وتنقذ مياه بحيرة المنزلة من التلوث وتعيد إليها الحياة البحرية.

ويبلغ طول مصرف بحر البقر نحو 190 كيلومتراً، ويعتبر من أخطر منابع التلوث البيئي في مصر، وهو الوحيد الذي يمتد من جنوب القاهرة مروراً بـ5 محافظات هي بورسعيد والإسماعيلية والشرقية والدقهلية والقليوبية، وينتهي بصرف ما بداخله في بحيرة المنزلة.