السيسي: الميّة بتاعتنا مفيش كلام فيها.. باتكلم عن تحسين جودتها في الري

11:51 ص | الاثنين 27 سبتمبر 2021

قال الرئيس عبدالفتاح السيسي إنَّه من أجل تقليل فواقد المياه، لأنَّها غالية وعزيزة «لما أتعدى على أرض زراعية أو تبور مني أرض زراعية نتيجة نقص المياه، ونقص المياه هنا مش علشان المياه المقررة لينا هتقل لأ.. المياه بتاعتنا مفيش كلام فيها، ولكن أنا بتكلم إننا نحسن جودة وكفاءة مياه الري لدينا».

تبطين الترع هدفه تحسين وصول المياه

وأضاف رئيس الجمهورية خلال كلمته في افتتاح محطة معالجة مياه مصرف بحر البقر قبل قليل، «لما نيجي نتكلم عن 80 مليار تبطين للترع، هل الدولة هتاخد تمنها من المزارعين، لأ خالص، ده معمول علشان يحسن وصول المياه، وبيقولوا إنتاج الأرض ضعيف لقلة المياه، وبناء عليه المزارعين هيخسروا، فإحنا بنعمل ده من أجل مصلحة الناس، فمش مقبول بقى وإحنا بنعمل ده يحصل تعديات».

هتسمعوا أرقام كبيرة جدًا في مشروع سيناء

وأضاف الرئيس السيسي «هتسمعوا أرقام كبيرة جدًا في المشروع اللي بنعمله في سيناء، بس مشاكله مش زي اللي موجودة في الأراضي اللي عليها ناس بتشتغل، لأننا عاوزين نعمل والناس بتشتغل من غير ما أوقف حالهم، ولكن لو ببطن هنا ترعة في 100 كيلو هعملها في لا وقت علشان محدش هيتأثر».

وتعتبر محطة معالجة مياه مصرف بحر البقر بشرق بورسعيد، الأكبر من نوعها في مصر والشرق الأوسط، والمشروع الأهم في تنمية شبه جزيرة سيناء بتكلفة 1.2 مليار دولار، وتعمل بمعالجة مياه الصرف الزراعي لمصرف بحر البقر بطاقة 5.6 مليون م3، ونحو مليار م3 كل سنة.

وتستصلح محطة معالجة مياه مصرف بحر البقر بشرق بورسعيد، 400 ألف فدان في شمال سيناء من مياه مهدرة سنويًا، وتنقذ مياه بحيرة المنزلة من التلوث وتعيد إليها الحياة البحرية.