كوارث الزواج الثاني يكشفها مبروك عطية: «الاثنين ممكن يدخلوا النار»
كوارث الزواج الثاني يكشفها مبروك عطية: «الاثنين ممكن يدخلوا النار»
- مبروك عطية
- الدكتور مبروك عطية
- برنامج مبروك عطية
- فتاوى مبروك عطية
- مبروك عطية والزواج
- مبروك عطية
- الدكتور مبروك عطية
- برنامج مبروك عطية
- فتاوى مبروك عطية
- مبروك عطية والزواج
نشر الدكتور مبروك عطية، الأستاذ بجامعة الأزهر الشريف وعميد كلية الدراسات العربية والإسلامية للبنات بسوهاج، مقطع فيديو على قناته الرسمية على موقع «يوتيوب»، حمل عنوان: «إلى كل زوجة تزوج عليها زوجها.. الحقي نفسك قبل ما تدخلي جهنم».
الزواج في مفهوم مبروك عطية
وقال «عطية»: «لولا أن الله شرّع الزواج لدعوت الناس إلى تحريمه، والبعد عنه في هذا الزمان، لأنه فاقد مقتضاه، فاللي عاوز يتجوز في ظل الإسلام يعني واحد عاوز يطير في السماء دون جناحين من السعادة، واللي عاوز يتجوز في ظل الواقع واحد عاوز ينكد على غيره، ويجيب واحد ينكد عليه، كل حاجة في ظل هذا الدين تحقق لصاحب الدين منتهى السعادة».
كيف ستدخل الزوجة التي تزوج عليها زوجها جهنم؟
وأضاف «عطية»: «ركزوا، أنا عاوز أقول للسيدة اللي جوزها اتجوز عليها، هتخشي النار إزاي، وأقولها ‘لحقى نفسك لإنك بتنسي ربنا وبتنسى دينك»، واصفًا حال السيدة التي يتزوج عليها زوجها بـ«بقت حياتها اتجوز عليا، ويبتدي النكد والمحاليل تتعلق، الست مش بتقرأ القرآن، وبتربي عيالها على كراهية أبوهم علشان اتجوز عليها، علشان تروح جهنم، وهو اللي يكره عياله في أمهم هيروح جهنم، إلا لو لم يُغفر الله لهما».
وتابع: «أنا لا بقول للراجل يتجوز عليها، ولا تتجوزها أصلًا، لو تقدر تستغنى عن الزواج في زماننا وتتفرغ لعبادة الله ولطلب العلم وصلة الأرحام، وهما يومين كورونا أو غيرها وكله هيموت، هل الست دي فكرت أنها هتموت ربنا هيحاسبها على عدم تدبرها للقرآن وعلى السموم اللي حطاها في العيال لان والدهم اتجوز، كل ده مدسوس على المصريين من المسلسلات والافلام والثقافات الفارغة".
