هيفاء وهبي: مصر فاتحة باب المطار على مصراعيه أمام شعب لبنان «فيديو»

قالت الفنانة اللبنانية هيفاء وهبي إن بلدها لبنان يحتاج للدعوات، خاصة أنه بلد فاتح بابه للجميع على مدار تاريخه، مضيفة: «لبنان جوه قلبي، ومن مصر قلت للبنان بحبك، ونفسي أقف الوقفة اللي وقفتها في حفلة مصر في لبنان بلدي، علشان إحنا بقالنا كتير ماشفناش يوم حلو من وقت الثورة واللي حصل بعدها، كنا بنقول عاوزين أحسن مما كان، لكن دلوقتي بنتمني يبقى زي ما كان، عاوزين الفترة دي تعدي بسرعة، وبنتعلم من بلاد كتير حصل فيها كده ووقفت على رجلها زي ما مصر وقفت على رجلها».

مصر فاتحة أبواب المطار على مصراعيه أمام الشعب اللبناني

وأكدت الفنانة هيفاء وهبي أنها تحب مصر جدًا، موضحة: معروف عني منذ زمن حبي لمصر، ولكن بعد أزمة لبنان شعر الشعب اللبناني بوقفة مصر الجادة مع الشعب اللبناني، بالدعم الغذائي والطبي، خاصة بعد حادث الحريق الذي شهدته لبنان، بالإضافة لفتح أبواب المطار المصري على مصراعيه أمام الشعب اللبناني، وكثير من اللبنانين بمصر: «أنا لو مش في مصر فأنا بلبنان ولو مش في لبنان فأنا في مصر، وباقي البلدان كلها بحترمها وأزورها، لكن مصر بحسها بلدي، وفعلاً البلد دي الله يحميها ويحفظها، وشكرًا علشان بنشوف فيها استضافة وكرم، وكنت عارفة إنه لما يحصل عندنا مشكلة في لبنان مصر هتكون فاتحة دراعاتها للبنان».

عاوزة أكمل هنا لحد ما تمطر

وأضافت هيفاء وهبي خلال حديثها الخاص لبرنامج «صباح الخير يا مصر»، المذاع على شاشة التلفزيون المصري: «بقولكو شكرًا على استضافتكم ليا في المكان الحلو ده، في فندق الماسة بالعلمين، كل شيء مبهر في العلمين، وسياحيًا العالم كله بيحكي عن المنطقة دي ولما جيت فهمت ليه، والمسرح اللي شفته اليوم بحفلتي أول مرة أشوف زيه هنا من تنظيم والنظام الصوتي والحضور، وانبسطت كتير، وبتمنى أرجع هنا قريب، ومبسوطة إنه الصيف ماخلصش هنا، عاوزة أكمل هنا لحد ما تمطر ومش عاوزة أمشي».

• هيفاء وهبي
• الفنانة هيفاء وهبي
• لبنان
• صباح الخير يامصر
• هيفاء وهبي
• الفنانة هيفاء وهبي
• لبنان
• صباح الخير يامصر