مجند العلمين: نفسي أقابل الريس بعد ما أنجح وأقوله أنا كنت عند حسن ظنك (فيديو)
مجند العلمين: نفسي أقابل الريس بعد ما أنجح وأقوله أنا كنت عند حسن ظنك (فيديو)
قال أيمن قنديل، المجند الذي التقاه الرئيس عبد الفتاح السيسي، إنه لم يصدق أبدا بأنه سيتحدث مع الرئيس ويسير بجواره مستقلا دراجة، واصفا ما حدث بقوله: «كان كفايا عليا إني ماشي جنب منه مكنتش عايز حاجة تانية أبدا».
وأجرى أعضاء مبادرة «هدية الرئيس» حوارا مع المجند أيمن قنديل، قال فيه: «الرئيس سألني وقالي إنت عايز ايه يا أيمن مرتين، قولتله عايز أحول مكتبتي الصغيرة لمشروع كبير، فقالي ماشي، وكنت مبسوط جدا وأنا ماشي جنبه وبتكلم معاه وبيسألني إنت عايز إيه، ماكنتش بنام أحلم بيها، ونفسي أقابله بعد ما أنجح وأقوله أنا كنت عند حسن ظنك يا فندم وعملت واجتهدت ونجحت، وأتمني إن الفرصة تيجي».
وتابع: «بقول للي في نفس سني متقعدش تتكلم وأنت أثناء الدراسة وتقول: أنا هشتغل أو مش هشتغل أو مستني أخد الشهادة علشان أطلع بره».
ولفت الشاب إلى أنه أثناء حديثه مع الرئيس طلب منه بأن يكبر مشروعه (المكتبة): «قولتله أنا عملي وبحب أكون ناجح في عملي، وقالي تمام يا أيمن ماشي».
ووجه الرئيس السيسي بأن يكون للمجند مكتبة أكبر من مكتبته الحالية، وفور سماع أهل بيته ذلك الخبر انطلقت الزغاريد في أنحائه، وقدم كل الموجودين في الفيديو الشكر للرئيس عبد الفتاح السيسي عما فعله مع المجند وسرعة تحقيقه لأمنيته.
واختتم المجند بقوله: «ألف ألف شكر يا فندم، ودي حاجة مش جديدة على حضرتك إنك تقف في سند شباب البلد، وألف شكر وربنا يوفقك».
