دياب يشعل أجواء حفل «سيتي كلوب» طنطا بمجموعة من أغنياته (صور)
دياب يشعل أجواء حفل «سيتي كلوب» طنطا بمجموعة من أغنياته (صور)
أحيا الفنان دياب حفلا غنائيا كبيرا فى نادي سيتي كلوب بمدينة طنطا، ضمن سلسلة النشاطات والاحتفالات الفنية لتكريم أسر شهداء الجيش والشرطة.
قدم دياب خلال الحفل، مجموعة من أهم وأشهر أغنياته التى تفاعل معها الجمهور ورقص عليها لأكثر من ساعة.
كان الفنان دياب قد كشف في مقابلة مع قناة «mbc»، عن تفاصيل أزمته مع المنتج نصر محروس: «متضايق من جحود المحبة، هو بيحب العبودية»، مضيفا «أغنية العو مضى عليها 11 سنة، لكن بعدما نجحت نصر محروس رفع عليّ قضية ربنا يبارك له كان هيحبسني، مش عارف ليه وربنا يسامحه وأشكره أنه كان سبب إني اتشهر، أتمنى إني أصالحه لأني بحبه جدا، وهو عارف إني بحبه».
وحول سر خلافه مع نصر محروس، قال: «الشغل لازم يبقى بالأصول ميبقاش بالعافية والدراع، لأن عمرنا كفنانين مش كتير، ليه عايز يقصف عمرنا، بحبه واشتغلت معاه، ولو مش هنبقى مع بعض يبقى بالتراضي والحب، ولو هنقطع مع بعض يبقى مش بالعنف»، لترد جنات: «مينفعش نشتغل في جو متكهرب، لازم يكون فيه انسجام مع المخرج».
وواصل دياب: «أنا بحب نصر محروس وزعلان من قسوته معايا، جحود المحبة وحش أوي، إحنا 15 سنة، ولما عقدي انتهى قلت له نشتغل بشروط آدمية، لأني كنت ماضي معاه عقد غير أدمي يعتبر عقود عبودية، لكنه بيحب دايما العبودية، كده مش هنصنع فن، وأتمنى إنه يركز في الإنتاج».
واقترحت المطربة المغربية جنات تدخل وسطاء لإنهاء الأزمة بينهما: «علاقتي بيه أكبر من إني أدخل ناس، ورحت له بنفسي، أعمل إيه تاني؟! أصحي أبويا من التربة؟!».
