كمسري «قطار منوف»: «ضميري مستريح والعاطفة واخدة الناس»
كمسري «قطار منوف»: «ضميري مستريح والعاطفة واخدة الناس»
رد حامد الهلباوي، كمسري بـ«قطار منوف»، على اتهامه بالاعتداء على مواطن لعدم دفعه قيمة التذكرة، قائلا إن النيابة لم تستدعه، ولكن هيئة السكة الحديد هي من استدعته، موضحا «الفيديو المتداول الحمد لله اتراجع مرة واتنين، الناس العاطفة واخداهم إنني أضحي بنفسي أنا في سبيل الراكب يبقى عشان خاطر بنته، أنا كنت بحجز عليه خوفا على حياته، كان عاوز يرمي نفسه».
وأضاف خلال فيديو بث مباشر لجريدة «الوطن»: «أنا ضميري مستريح إني أديب عملي كما ينبغي، ضميري مرتاح جدا، كنت ناقص أبوس دماغه عشان مينزلش والقطر ماشي».
وعن رد فعل أهله عن الواقعة، قال: «مش فاهمين أنا كنت بعمل كدة لية، قالولي ما كنت سبته، فقولتلهم يا ولاد إحنا بناخد أجر نظير تحصيل إيراد هيئة، والقانون عندنا مطبق على الصغير والكبير ومينفعش أسيب راجل كبير، واخد من عيل بياخد مصروفه، ولما أولادي فهموا إني بأدي عملي اقتنعوا وقالولي لو الموقف دة اتكرر قدامي هعمله تاني وتالت، أنا معنديش استطاعه أضيع إيراد الهيئة».
وعن رد فعل الناس في محيط بيته وأصدقائه، قال: «الناس مش فاهمة حاجة، وقالولي هيجرا إيه لو سبته، لأ مينفعش نضيع إيراد وحق الهيئة».
