هاني شاكر يطمئن جمهوره: بقيت أحسن كتير ربنا عدى الأزمة على خير بدعاكم
هاني شاكر يطمئن جمهوره: بقيت أحسن كتير ربنا عدى الأزمة على خير بدعاكم
طمأن نقيب المهن الموسيقية الفنان هاني شاكر، جمهوره على حالته الصحية، بعد خروحه من المستشفى إثر تعرضه لوعكة صحية خلال الأيام الماضية، قائلا: «جمهوري الحبيب الحمد لله بقيت أحسن كتير ربنا عدى الأزمة دي على خير بدعائكم والناس الطيبين اللي يعرفوني واللي مايعرفونيش وربنا مايجبش حاجه وحشه بفضل دعائكم».
وأضاف النقيب خلال مقطع فيديو عبر صفحته الشخصية بـ«إنستجرام»، في أول ظهور له بعد عودته لمنزله: «الفترة الجاية هكون في فترة نقاهة وإن شاء الله طول ما ربنا معايا وأنتم معايا وبدعائكم ليّا أكون أحسن كتير، أنا بس بطمنكم عشان الناس اللي بتستظرف وتقول أخبار مش مظبوطة وتخض ناس كتير منكم وبتعمل قلق على السوشيال ميديا عشان تعمل انتشار حسبي الله ونعم الوكيل في الناس دي».
وتابع: «قولت أطمنكم بنفسي وفي منتهى السعادة أني هشوفكم في المسرح المكشوف في الأوبرا يوم 1 سبتمبر وكل سنة وأنتم طيبين وعيد سعيد عليكم والأمة العربية».
يشار إلى أن الفنان هاني شاكر، دخل العناية المركزة لمدة ليلتين، بسبب ارتفاع معدل ضربات قلبه بشكل غير طبيعي، حيث نُقل لأحد المستشفيات الكبرى في منطقة المهندسين، بالجيزة بأمر الأطباء وبسبب ذلك ألغى حفله الغنائي الذي كان مقررا إقامته في دار الأوبرا المصرية.
وقدم هاني شاكر، رسالة اعتذار مصورة إلى إدارة الأوبرا المصرية، عبر حسابه على «فيس بوك»، قال فيها: «باعتذر عن حفلتي النهارده في الأوبرا، كان نفسي أشوفكم وتستمتعوا بالأغاني، بس ضربات قلبي مش متظبطة، وبعمل دلوقتي تحاليل وفحوصات»، مضيفا: «الدكتور قال لي إني لازم أفضل 48 ساعة في العناية المركزة، وكان نفسي أبقى معاكم، وإن شاء الله نعوضها في حفلة جاية».
