طلاب كفر الشيخ عن امتحان« الفرنساوي»: عوضنا عن العربي

12:22 م | الاثنين 12 يوليو 2021

عبر طلاب الثانوية العامة 2021 بمحافظة كفر الشيخ، عن سعادتهم بمستوى امتحان اللغة الأجنبية الثانية«الفرنساوي» للشعبة العلمية، حيث أكدوا أن الامتحان جاء سهلا وفي مستوى الطالب المتوسط، لكنه لم يخلو من أسئلة لقياس مستوى الطالب المتميز، مشيرين إلى وجود تشديد داخل اللجان بعد تسريب امتحان اللغة الرعبية في أول يوم.

وقال عمر محمود، طالب في الثانوية العامة، إن مستوى الامتحان كان سهلا وفي مستوى الطالب المتوسط،«امتحان الفرنساوي عوضا عن امتحان العربي، ورسم البسمة على وجوهنا بعد الألم والبكاء من امتحان العربي: «كنا داخلين متوترين وفاكرين الامتحان هيكون صعب زي اللغة الرعبية لكن اتفاجئنا وعقبال باقي الامتحانات».

بينما عبرت آلا أحمد، طالبة ثانوية عامة، عن سعادتها بامتحان الفرنساوي قائلة: «ربنا يعديها على خير، الفرنساوي كان أسهل من العربي، لكن دا ميمنعش أننا اتظلمنا في العربي وبنطالب الوزير بمراعاة ظروفنا، بكينا أول يوم وفرحنا النهاردة ربنا يكمل فرحتنا بباقي الامتحانات على خير».

وأشارت مريم نصر، والدة ولي أمر طالبة، إلى أنها احتضنت ابنتها فور خروجها من لجنة الامتحان: «كنت منتظراها ودموعي غلبتني، لكن أول ما شوفتها حضنتها وقولتها لو محلتيش متزعليش، ردت عليا وقالتلي حليت وربنا يعوضنا بالفرنساوي عن العربي، وبكينا بكاء هستيري من الفرحة مش الحزن زي العربي، موسم كله رعب وتوتر وربنا ينجح ولادنا».

وعبرت سما ماجد، طالبة عن سعادتها بمستوى الامتحان قائلة: «حكان سهل بس فيه أجزاء صعبة، لكن هو في مستوى الطالب المتوسط، الجزء بتاع المتفوقين دا قليل، والحمدلله قدرنا نحل أفضل من العربي اللي صدمنا، ومكنش عندنا مشكلة في الوقت، حلينا بس مقدرناش نراجع بشكل كامل، برضو لكن الحمدلله ربنا يكملها على خير».