كيف كسبت حنين حسام ومودة الأدهم من تطبيق Likee؟.. «النسبة 20٪»

12:35 م | الخميس 24 يونيو 2021

شغلت قضية الإتجار في البشر المتهمة فيها حنين حسام ومودة الأدهم و3 آخرين، الرأي العام، بسبب استغلال بعض مواقع الإنترنت مثل تطبيق لايكي، في اجتذاب القاصرات بزعم توفير فرص عمل لهن كمذيعات، وذلك كستار لدعواتهن للفسق والأعمال المنافية للآداب.

ويجرم قانون مكافحة جرائم الإنترنت، الذي أقره مجلس النواب، هذه الممارسات، عبر مواقع التواصل الاجتماعي والتطبيقات الإلكترونية بكافة أشكالها، حيث ينص على عقوبة بالسجن والغرامة كل من يستعمل تطبيقات إلكترونية في أعمال منافية للأداب، ومخلة لقيم المجتمع.

حنين حسام وتطبيق likee

وعلى خلفية اتهام حنين حسام ومودة الأدهم باستخدام تطبيق لايكي في أنشطة منافية للآداب، كشف المبرمج خالد خليفة، حيل أصحاب المواقع أو التطبيقات السيئة السمعة على شبكة الإنترنت، مثل لايكي likee.

معنى الريفير Referrer

وقال خليفة: "المبرمجين بيعملوا حاجه جميله كده في التطبيقات بتاعتهم اسمها ريفيرال، فلو أنت فاتح أكونت في أي تطبيق تجاري بتكسب منه أو بتشتري منه زي مثلا سوق أو امازون ممكن تاخد لينك الريفيرال Referrer تبعته لصحابك او تسوقوا للناس علشان يسجلو عن طريقك فاتكسب مثلا من كل عمليه بيع 5٪ أو 10٪ أو 20٪ لحد هنا هذا اسمه التسويق بالعموله، والريفيرال ده بيبقي عبارة عن كود، أما الشخص اللي هيسجل يحط الكود يدوي أو يدخل علي اللينك علي طول فانت تاخد نسبتك تلقائي".

أنواع التطبيقات سيئة السمعة على الإنترنت

وتابع المبرمج خالد خليفة: "التطبيقات سيئة السمعة في منها نوعين انتشروا نوع بتفتح التطبيق تطلب واحدة تجيلك البيت وبتتفق معاها علي الساعه اللي بتكون من أول 500 جنيه فيما فوق علي حسب العمر والجنسية والشكل طبعا وبيكون من ضمن الاتفاق خدمات زي مثلا هتقولك أنا هاجي لمدة ساعة 2 شوت + مساج بادي تو بادي أو مساج فرعوني.. ألخ واي ساعة اضافية بكذا وده بيكون جوه الخدمه اللي بتطلبها".

وأردف المبرمح: "أما التطبيقات الأخرى فهي دعارة ولكن أونلاين، بتقولك أنت هتدفع 10 دولار في صورة كوينات بتكون شاريها من التطبيق وبالمقابل هتقعد معاك 10 دقايق مع خدمات زي sex toys او only orgasm وده بقى تطبيق لايكلي أو غيره من التطبيقات سيئة السمعة".

وأوضح المبرمج: "هناك أشخاص مهووسون بمشاهدة بنات تجلس بدون فعل أي شئ وتعطيهم كوينات، وحينما يصلوا إلى ذروة النشوة الجنسية يقوم هؤلاء الأشخاص بطلب (برايفت ريكويست) بمقابل عدد من الكوينات فالبنات اللي بتدخل علشان تفتح الايف بس وتكسب 5 الآف جنيه بتجيلها عروض كتير للبرايفت، فطبعا لو البنت داخله تفتح لايف مش أكتر وتكسب من غير ما تعمل حاجه فبعد شويه لما يجيلها آلاف الدولارات هتبدأ تدخل البرايفت لأن أصلا التطبيقات هذه مصممه علشان كده".

مكاسب حنين حسام

وردا على سؤال حول علاقة "الريفيرال" بالتطبيقات، وكيف كسبت حنين حسام ومودة الأدهم من الموضوع، قال المبرمج: "باختصار هي عامله أكونت وجربت وعرفت الموضوع ماشي إزاي، واستغلت جمهورها الكبير بالطلب منهم القيام بالتسجيل عن طريقها والدخول لفتح الكاميرا عادي ليأتي لهم (كوينات) فتكسب هي من نسبة (الكوينات) بطريقة مباشرة وبمكسب لا ينقطع، وفي ذات الوقت هي لم تطلب من أحد الدخول إلى الغرف الخاصة بل طالبتهم بالدخول بالحجاب، وحسب ذلك سيكون أرباح حنين حسام نحو 40 ألف دولار دون أن تفعل شيئا".

وأشار المبرمج، إلى أن ما يقال عن إن حنين حسام وباقي المتهمات في قضايا الاتجار البشر، ربما لا يعرفن بتلك الاعيب وأنهن تعرضن للخداع غير صحيح، موضحا "أي واحد بيفتح التطبيقات تلك لمدة دقيقتين هيعرف لأن ببساطه التطبيق مش عايزك تخرج إلا لما تدفع، فبيوضحلك اتجاهاته إيه بالظبط علشان يغريك".