السيسي: لن يمس أحد حقوقنا.. وقلقكم من سد النهضة مشروع
السيسي: لن يمس أحد حقوقنا.. وقلقكم من سد النهضة مشروع
تطرق الرئيس عبدالفتاح السيسي، خلال افتتاحه عدد من المشروعات التابعة لهيئة قناة السويس، إلى ملف السد الإثيوبي، قائلا: «نيجي لنقطة تانية إنتو قلقالكم يا مصريين، وقلقاني أنا كمان، واتكملت فيها قبل كدة، موضوع سد النهضة والتفاوض بشأنه».
وأضاف «ربيع» خلال افتتاح عدد من مشروعات تطوير قناة السويس، «أنا كل اللي هقول لكم حاجة واحدة بس، أنتم من فضلكم اقلقوا دة طبيعي لأن دة حياة لكن لازم تكونوا متأكدين إن مسار التفاوض محتاج صبر وتأني متستعجلوش النتائج».
ولفت الرئيس إلى أنه سعيد باهتمام المصريين بقضايا أمنهم القومي، مضيفا: «القلق اللي أنتو فيه قلق مقدر ومشروع، وأنا سعيد به، لأن اهتمامكم ببلادكم أمر رائع، ولازم تكونوا متأكدين إن حقوقنا لن يتم التفريط فيها».
وطمأن الرئيس المصريين بشأن حقوقهم المشروعة والتاريخية في مياه النيل، بقوله: «لكن واثقين من الله سبحانه وتعالى وفي بلدكم وفي قدراتها إن الحفاظ على حقوق مصر المائية دة أمر زي ما قولت قبل كدة مش ممكن حد هيتجاوزه، بس مستعجلوش وتتصورا إن الأمور، كل الأمور ليها ترتيبها وتدبيرها والتفاوض عملية شاقة وصعبة واحنا بنضغط».
واستكمل: «وزي ما أنتوا شوفتوا يمكن خلال الأسبوع أو العشر ايام الماضيين استقبلنا مبعوث أمريكي للقرن الأفريقي واستقبلنا الرئيس الكونغولي رئيس الاتحاد الأفريقي عشان نتكلم في الموضوع والجهد والحركة ماشية، إن احنا نصل لحل هذه المسألة اللي بنعتبرها من المسائل الحساسة جدا والمهمة».
