نيللي كريم: مجنون طاردني في بداية مشواري الفني وافتكرونا مرتبطين

واجه «شيخ الحارة» الفنانة نيللي كريم بأنها دائما تنكر شخص كانت متزوجاه ويذهب دائما لها الأوبرا ومصمم أنه تزوجها، وكان يقول إن اسمها «مريم»، وردت عليه الفنانة بالنفي، قائلة إنها كانت لا تعمل في الأوبرا وقتها، حيث كانت تصور فوازير فقط ومسلسل «وجه القمر» وحينها كانت في بداية شهرتها الفنية. 

وأضافت «كريم»، خلال حوار ببرنامج «شيخ الحارة والجريئة»، المذاع على شاشة قناة «القاهرة والناس»، وتقدمه المخرجة إيناس الدغيدي، «لقيت في حد جه الأوبرا وراح صالة التدريب وأنا مكنتش عارفه ده مين فقالي أنت مش فكراني؟ قولتله لأ، قالي مريم أنت مش فكراني؟ قولتله حضرتك أنا مش اسمي مريم، ومامتي كانت ساعتها موجودة عشان كانت بتشتغل في الأوبرا».

وتابع: «هو كان عنده قصة في دماغه إنه كان مرتبط بيا وبعد كدة أنا سيبته، المهم فهمناه وجبناله السيكيورتي، ومشي، بعديها وأنا مروحة ألاقيه مستخبي في الضلمة فاتخضيت، ورحت عملت محضر في القسم وعرفنا أنه عنده مشكلات نفسية، ربنا يشفيه».

وعاد «شيخ الحارة» ليواجهها بما يمثله لها مسلسل «واحة الغروب» خاصة أنه «اتاخد منها عافية»، فردت وقالت إنه مسلسل جيد إخراج كاملة أبوذكري وإنتاج جمال العدل، متابعة: «المسلسل ده من المسلسلات اللي بحبها بصراحة، وفيه كلام في الأول إني المفروض أعمل المسلسل وبعد كده محصلش نصيب، وكاملة اشتغلت مع منة، وعملت الدور حلو جدا، والسنة دي عملت مسلسل لأعلى سعر، وده اللي حصل، منة لايقة عليه».

• نيللي كريم
• منة شلبي
• شيخ الحارة
• إيناس الدغيدي
• واحة الغروب
• نيللي كريم
• منة شلبي
• شيخ الحارة
• إيناس الدغيدي
• واحة الغروب