سماح أنور: لو كنت أعرف إن سمير صبري بيحبني مكنتش هسيبه.. ده قمر
سماح أنور: لو كنت أعرف إن سمير صبري بيحبني مكنتش هسيبه.. ده قمر
قالت الإعلامية ياسمين الخطيب، إنها لا تلجأ إلى مقولة «خلينا صحاب» حتى ترفض طلب أي شخص طلب يدها للزواج، موضحةً: «بهرب بإجابات كلاسيكية، وبقول إني مش بفكر اليومين دول في الارتباط أو إن أنا مرتبطة فعلا، وبخلع بشياكة».
بينما قالت الفنانة سماح أنور، خلال حوارها مع الإعلامي أحمد سالم، مقدم برنامج «لحظات جريئة» الذي يعرض عبر شاشة «القاهرة والناس»: «اتحبيت كتير من طرف واحد، بس شباب، ولما كانوا بيقولوا لي كنت بهرج».
وحول قصة الحب التي جمعتها بالفنان سمير صبري، قالت سماح أنور: «هي قصة وفاء وصداقة حميمة، وهو زيي راجل عارف إن فيه ناس مش بتحب مع شريك حياة لكن تقدر تبقى صديق رائع وعظيم، وسمير هو ده الشخص في حياتي، وكان صديق أبي وأمي من قبلي، وكان محتضني وكان حلال المشاكل بتاعي، وزعلانة إنه أعلن إنه كان بيحبني بس مقاليش، ولو أعرف مكنتش أسيبه .. ده قمر».
وحول ما إذا كان الإنسان قادرا على أن يحب أكثر من شخص في نفس الوقت، قال الفنان فراس سعيد، إن هذا الأمر ممكن بدليل أن الرجل قد يتزوج أكثر من شخص في نفس الوقت: «أما بالنسبة للستات فمقدرش أتكلم عنهم لأني مش فاهمهم ولا عمري هفهمهم ومفيش راجل مهما كان فاكر نفسه فتك هيقدر يفهم ست».
وأشار فراس سعيد، إلى أنه أحب 3 مرات ولم يستطع نسيان السيدات الثلاث من 3 دول مختلفة، أما الفنانة دنيا عبدالعزيز فقالت إن هناك شخصا لا تستطيع نسيانه: «دلعني جدا بشكل حقيقي وصادق، بس مكنش في نصيب والقصة انتهت بسبب تراكمات وبقى من أهم الأصدقاء لكن بعد ما بعدنا سنين وفترة طويلة».
وقالت الفنانة نسرين أمين: «الراجل ممكن يحب أكتر من حد، ومقبلش إن راجل يحبني ويحب حد تاني»، وذهبت الفنانة دنيا عبدالعزيز إلى نفس الرأي، قائلة: «لو هو مرتبط بيّا وبيحب حد تاني يروح للحد التاني ربنا يوفقه».
وحول الحب الذي لا يمكن نسيانه، قال الفنان صلاح عبدالله: «فيه علاقة سابت جوايا جرح مهم جدا وكنت حاسس برعب إني مش هقدر أخلص منه، لكني خلصت، ومكنتش أقدر أجيب سيرتها ومكنتش بحب حد يجيب سيرتها».
بينما قال الفنان عمر كمال: «أنا مفيش واحدة مدت ايديها ليّا، أنا مش جان ولا قمور، بس لما الفلوس زادت ظهر بنات كتير».
