حمو بيكا عن الحب من طرف واحد: كانت عاوزة فلوس.. ودنيا: عشت قصة 4 سنين

استعرض برنامج «لحظات جريئة» الذي يقدمه الإعلامي أحمد سالم، على قناة «القاهرة والناس» أراء عدد من الفنانين بخصوص «الحب من طرف واحد»، إذ استشهد الفنان القدير صلاح عبدالله، بمقولة للأديب الشهير عباس العقاد: «الحب شقاء كله، وأشقى المحبين أولئك الذين يحبون بلا أمل ولا رجاء»، موضحًا أن فريد الأطرش رد على هذه المقولة عندما غنى: «الحب من غير أمل أسمى معاني الغرام».

أما الإعلامية منى عبدالغني، فأكدت أنها لم تجرب هذا الشعور، موضحةً: «ده جنون إني أحب حد محستش بانجذاب ناحيته وهو انجذب ليّا في نفس الوقت، ده شيء مؤلم أكيد .. أكيد في ناس عاشت الحكاية دي بس أنا لأ».

وأكد الفنان مراد مكرم، أن كرامته لا تسمح له بأن يدخل في قصة حب من طرف واحد: «لو حسيت إن الطرف اللي قدامي مش مستجيب باخد خطوة للوراء قبل ما الموضوع يتطور ويبقى حب».

أما المطرب الشعبي حمو بيكا فقال: «الحب من طرف واحد كان أول حاجة، حبيت من طرف واحد بس كانت عاوزة الفلوس، الله يسهل لها».

وقال الفنان فراس سعيد: «مقدرش أكون في علاقة حب من طرف واحد لكن كلنا حبينا من طرف واحد»، وقالت الفنانة دنيا عبدالعزيز: «قعدت 4 سنين بحبه لوحدي بشوفه من بعيد وميعرفش إني بحبه وكان زميل ليا في المعهد بشوفه من بعيد وخلاص، مكنتش أقدر أقوله ولو قال لي صباح الخير كنت بتوتر، كنت عايشة جو أفلاطوني وده كان أحلى بكتير، لأن الواحد أحيانا بيرسم حاجات كتير في خياله وأول ما بيقرب بيكتشف حاجات مختلفة فيتصدم، فالحب من بعيد أحسن».

• حمو بيكا
• الحب من طرف واحد
• القاهرة والناس
• منى عبدالغني
• حمو بيكا
• الحب من طرف واحد
• القاهرة والناس
• منى عبدالغني