حمو بيكا يهاجم الجمهور بسبب مهرجانه: عاملين شيوخ ليه حرقتوا دمي «فيديو»
حمو بيكا يهاجم الجمهور بسبب مهرجانه: عاملين شيوخ ليه حرقتوا دمي «فيديو»
هاجم مغني المهرجانات الشهير حمو بيكا، جماهيره على موقع التواصل الاجتماعي، بسبب انتقادهم لمهرجانه الجديد، المنتظر عرضه اليوم.
وظهر حمو بيكا في بث مباشر عبر صفحته الرسمية على موقع التواصل الاجتماعي «فيس بوك»، غاضبًا بسبب هجوم بعض الجماهير عليه بعد تداول البوستر الدعائي لمهرجانه الجديد في شهر رمضان، معلقا: «إنتو ليه عاملين فيها شيوخ، حرقتولي دمي.. عاوزين تتضربوا بدانة».
وأضاف «بيكا»: «هو كل ده علشان قولت انتظروا النهاردة مهرجان كل حيطانها بتكهرب.. أنا بيكا حبيب الشعب.. عملتوا فيها شيوخ».
حمو بيكا لأحد متابعيه: إنت شيوعي
وشن حمو بيكا، هجوما شرسا على منتقديه، حيث وصف أحدهم بأنه «شيوعي»، لأنه يتحدث معه عن الإسلام، كما دعا على بعض المتابعين الذين قاموا بالدعاء عليه.
وكان «بيكا» نشر مقطع فيديو لـ«برومو» المهرجان الجديد، مساء أمس، معلقا عليه: «مساء الخير.. رمضان كريم عليكم.. انتظروا مهرجان كل حيطانها بتكهرب.. أنا بيكا حبيب الشعب».
حمو بيكا يتحدث عن الغيرة
وكان «بيكا»، ظهر مؤخرا مع الإعلامي أحمد سالم من برنامج «لحظات جريئة»، الذي يُعرض على شاشة «القاهرة والناس»، للحديث عن الغيرة، قائلا : «مراتي بتغير.. ده شيء أساسي، لما تغير ممكن تكسر الدنيا، وتقعد تكسر كل الحاجات اللي موجودة في البيت».
ورد على سؤال عن سبب غيرة زوجته عليه، قائلا: «ما أنا مش بصلي على السجادة، لازم أكون عملت حاجة كدة ولا كدة، بس هي بتقعد تدور في أي حاجة قديمة، أنا مش بتضايق من كدة، مراتي غلبانة وهي وش السعد عليا ووش الخير عليا، بس منه لله تفتيش الموبيلات، الله يخربيت أم الموبايلات، أنا عملت الباسورد مؤخرا بس بعد فوات الأوان، كنت اتقفشت ييجي 20 ألف مرة، وأنا مش بحرم».
