سيدة فيديو «الفلوس دي حلال؟»: عندي إعاقة في إيدي.. ووزعت ألف جنيه على زمايلي

بابتسامة رضا رغم المصاعب، قابلت سيدة فيديو «حلال ولا حرام»، الإعلامي أحمد رأفت، المعروف باسم «مذيع الشارع» خلال تصوير برنامجه «جبر الخواطر»، لتصبح كلماتها راسخة في ظل أذهان كل من رآها، بل اعتبرها العديد من رواد مواقع التواصل الاجتماعي بأنها قدوة ينبغي الاحتذاء بها، بعدما أبدت قلقها في البداية من الحصول على أموال المسابقة، لأنها لا تعرف مصدرها، بالإضافة لعدم تعبها أو عملها من أجل الحصول عليها.

ولانها اسم على مسمى قابلت رضا محمد جمعة، صاحبة الـ55 عاما، مصاعب الحياة بقناعة تامة واكتفاء كامل بالأموال التي تحصل عليها من قوت يومها، دون أن تمد يدها إلى أحد، وفقا لما روته لـ«الوطن»: «اللي عملته في الفيديو ده الطبيعي اللي بعمله دايما، لأني بعتمد أربي عيالي من الفلوس الحلال».

«سألني إيه اللي لابساه ده فقولتله خمار فلقيته بيديني فلوس وبعدها أداني قدهم تاني»، بحسب «رضا»: «أنا اتفاجئت بيه ومكنتش أعرفه، وخوفت الفلوس متكونش حلال لأنها مش من شقايا ولا تعبت فيها، بس لما لقيت مديري في الشغل بيقولي أنا أعرفه، وافقت أخدها».

1500 جنيه كانت قيمة الجائزة الأولى للمسابقة التي حصلت عليها «رضا»: «أداني مبلغ تاني زيهم، فمرضتش آخدهم لوحدي وقولت لازم أراضي صحابي في الشغل ووزعت عليهم ألف جنيه، وخدت الباقي علشان عيالي».

رضا: زوجي توفى وسابلي تربية العيال لوحدي

معاناة «رضا» بدأت منذ أعوام طويلة، عندما عانى زوجها من عدة أمراض تمثلت في القلب وغسيل الكلى، حتى توفى في العام الماضي: «أنا بشتغل في مطعم بالقرب من نادي الجزيرة، بخبز فيه عيش، ليا أكتر من 30 سنة، لأن كنت بساعد زوجي بسبب مرضه وقلة الماهية اللي بياخدها من الوظيفة، لغاية ما اتوفى وسابنا السنة اللي فاتت».

5 أبناء حرصت «رضا» على تربيتهم دون الحاجة إلى أحد من أقاربها أو جيرانها: «عندي إعاقة في إيدي من حادثة حصلتلي في شهر 9 اللي فات، ولكني مكملة في شغلي وراضية بالفلوس اللي ربنا يجيبهالي من الشغل، وكل أمنيتي إني أقدر أعالج إيدي علشان أكمل شغل بيها».

• سيدة حلال ده ولا حرام
• سيدة
• الفلوس دي حلال ولا حرام
• إعاقة
• سيدة حلال ده ولا حرام
• سيدة
• الفلوس دي حلال ولا حرام
• إعاقة