عبد الباسط حمودة: لن أغني مع أي راقصة.. ولو شوفت واحدة هديها بالعصاية
عبد الباسط حمودة: لن أغني مع أي راقصة.. ولو شوفت واحدة هديها بالعصاية
قال المُطرب الشعبي عبد الباسط حمودة، إنه يؤيد قرار هاني شاكر نقيب المهن الموسيقية بأن لا يكون هناك عضوية لمغني المهرجانات حمو بيكا داخل النقابة، لكنه في الوقت ذاته اقترح أن تصدر النقابة له تصاريح للغناء حتى تستفيد منه، « لما يغني في حفلة بتصريح ده دخل للنقابة، والنقابة لازم تستفيد منه في كدة، هو أصلا حمو بيكا مش بيغني، بتيجي معاه كدة».
حمودة: أوافق على منع بيكا من الحصول على عضوية نقابة الموسيقيين
وأضاف «حمودة»، خلال حواره في برنامج «العرافة»، مع الإعلامية بسمة وهبة، على شاشة «المحور»: «حمو بيكا يغني على فلاشة أو دي جي، وربنا يكرمه، هو ده بيغني؟! هتخليه يغني بالعافية؟! بس هي جاية معاه عشان طيب، ولما بكلمه بيقولي والله ما بغني يابا، فليه نقف في سكته؟».
عبد الباسط حمودة: لا أحب تكرار تجربتي مع الراقصة صوفينار
من ناحية أخرى، أكد المطرب الشعبي، أنه لا يوافق على الغناء مع الراقصة جوهرة أو أي راقصة أخرى، «أي رقاصة بقابلها بديها بالعصاية، ولو حصل ولاقيت واحدة موجودة مش هغني وصاحب الفرح يولع، مبحبش الكلام ده، الناس هتتفرج على الرقاصة ولا تسمعني؟! المفروض الجمهور يركز معايا، ولا هتطلع 15 واحدة، إحنا في حمام سباحة؟! ولو كدة مش هرجع العربون».
وتابع: «عملت أغنية مع صوفينار عشان الناس عرفتها، والمنتج والمخرج كانوا جايبينها، لكن محبش أكررها تاني».
