أحمد عز: شفرة العلاقة بين الرجل والمرأة هي المعاملة بما يرضي الله
أحمد عز: شفرة العلاقة بين الرجل والمرأة هي المعاملة بما يرضي الله
سرد الفنان أحمد عز، لمحات من حياته الشخصية وعلاقته بعائلته، قائلا إنه لا يوجد بيت يخلو من الخلافات بين الرجل والمرأة، ولكن في بيته لم يسمع قط والده يصرخ في وجهه والدته، «هما أكيد كانوا بيتخانقوا، بس كانوا بيتعاملوا بإحسان وبما يرضي الله بينهم، ودي الشفرة، لكن لو حد عنده أجندة أو حاجة في دماغه، العلاقة بتبوظ».
الاستمرارية هي النجاح في الزمن اللي احنا فيه
وأضاف «عز»، خلال لقاء ببرنامج «بيت للكل»، الذي يعرض على القناة الأولى، «اعتقد العلاقات اللي بينجحها في الشغل أو البيت أو السينما أو الإذاعة أو أي حتة هي النفسية الكويسة، عمرك ما هتلاقي عمل ناجح، أبطاله نفسياتهم مش كويسة، على مستوى الحياة أو الفن، ولو نجحت مرة أو اتنين مش هيبقى عندك استمرارية، الزمن اللي احنا فيه الاستمرارية هي النجاح، مش النجاح إنك تعمل عمل ناجح، ولكن تستمر ناجح 40 سنة في شغلك ومجالك هو دة النجاح».
أحمد عز: أنا عنيد جدا وسالك وصوتي من دماغي
وتابع: «أنا عنيد جدا، وصوتي من دماغي، ومن جوايا سالك، معنديش مشاكل، وعاوز أنجح وسط ناس ناجحين، مش عاوز أبقى الأول أو الأخير».
وكان الفنان أحمد عز، شارك مؤخرا في احتفالية نقل المومياوات الملكية إلى المتحف القومي للحضارة بالفسطاط، معربا عن سعادته البالغة مؤكدا أن وقوفه مع الدولة أمر أساسي وطبيعي وليس تكرما منه، «ده أمر طبيعي جدا، بعد ما نزلت من البيت وقابلت الناس كنت حاسس إنهم في حالة من السعادة والفخر».
