إعلان محمد حماقي.. «ده وقته» مع البريد المصري في شوارع القاهرة

07:29 م | الأربعاء 14 أبريل 2021

أطل النجم محمد حماقي على جمهوره في اليوم الثاني من شهر رمضان المبارك من خلال إعلان للبريد المصري، والذي عرض قبل قليل على القنوات المختلفة.

شوارع القاهرة تشهد تصوير إعلان «حماقي»

ويعد ذلك التعاون الأول بين البريد المصري ومحمد حماقي، الذي يعد واحد من أهم نجوم مصر والوطن العربي، إذ شارك في العديد من الحملات الدعائية على مدار السنين الماضية.

وقام محمد حماقي بتصوير الإعلان في عدد من شوارع وسط البلد، حيث استغرق تصوير الكليب أيام قليلة.

وتحمل أغنية «ده وقته» عدد من الرسائل التي تعبر عن العزيمة والإرادة، تجاه تحقيق الأحلام التى كتبها أمير طعيمة ولحنها عمرو مصطفى وتقول كلماتها:

إكسب وقت

وماتستناش حلم يجيلك، إجري وروحله

لو خبّط على بابك بكرة قوم وافتحله

ده مافيش أسرع م الأيام

انت الضهر

انت السند اللي بيسندهم وبيحميهم

طول ما عيونك على بكرة وبتفكر فيهم

الأحلام هتجيب أحلام

وده وقته، ده وقته، دي السكة اللي هتمشيها

واللي انت بدأته، كمله، دي حياة بتبنيها

دلوقت أعملها، في حاجات لما نأجلها

بيكون صعب نكملها، طب ليه نتأخر فيها

طول الوقت

وانت وجودك هو السر اللي مقويهم

وبتاخد من عمرك دايماً وبتديهم

دايماً بتبص لقدام

وده وقته، ده وقته، دي السكة اللي هتمشيها

واللي انت بدأته، كمله، دي حياة بتبنيها

دلوقت أعملها، في حاجات لما نأجلها

بيكون صعب نكملها، طب ليه نتأخر فيها

آخر ألبومات محمد حماقي

يذكر أن الفنان محمد حماقي كان قد طرح آخر البوماته الغنائية عام 2019 مع شركة نجوم ريكوردز، والذي يحمل اسم «كل يوم من ده»، وتضمن العمل في ذلك الوقت 20 أغنية.