الحاج رجب يصنع أكبر فانوس في فيصل: طوله 6 أمتار وسعره 15 ألف جنيه
الحاج رجب يصنع أكبر فانوس في فيصل: طوله 6 أمتار وسعره 15 ألف جنيه
شكله يثير إعجاب الجميع ويلفت نظر كل من يراه، تقف أمامه لدقائق تسأل عن جماله وسحره، تشعر بالنفحات الرمضانية، وببهجة الشهر الكريم، فالمجهود الكبير الذي وضع فيه، ليس بالأمر الهين.
يستقر الفانوس في شارع فيصل، بارتفاع وصل إلى 6 أمتار ونصف، وبمجهود استمر لـ20 يومًا دون انقطاع، يستيقظون في الصباح لاستكمال تصميمه، ويرتاحون في منتصف اليوم، ثم يستكملون تصميمه.
الفانوس صمم باستخدام معدن الصاج والزجاج، وأشرف على تنفيذه رجب أبو بكر، ويؤكد أنهم استمروا أيامًا دون انقطاع في تصميم الفانوس، يحكي لـ«الوطن» كيف تم تصميمه قائلاً: «بنقطع الصاج وبندخله لماكينات خاصة علشان يتنقش، والزجاج بنشتريه أبيض وبيتقطع وبيترش ألوان عشان يديله اللمعة، وبعد كده بيتلحم كله مع بعضه بمادة لحام».
4 أشخاص لتصميم الفانوس
4 أشخاص تولوا تنفيذ الفانوس من البداية حتى النهاية، وتم تصميمه على هيئة قطع معينة تم تركيبها باستخدام «مفصلات»، وبداخل الفانوس وضعت لمبات لإعطاءه الإضاءة المناسبة: «في حد بيدخل جوه الفانوس عشان يركب الإضاءة».
استخدام «رجب» في تصميم الفانوس ألوان ذات إمكانيات عالية، كالتي تستخدم في طلاء السيارات: «عشان لو اتحط في الشمس لونه مايروحش، لأن لو دهناه بلون عادي أسبوع واحد ولونه هيبقى أبيض»، مؤكدًا أنهم قاموا بمجهود كبير في تنفيذه: «شغله مش سهل وأخد وقت وتعب».
بتكلفة 15 ألف جنيه.. الفانوس جاهز للبيع
صمم «رجب» الفانوس لعرضه أمام محله، وأعلن بيعه بمبلغ وصل إلى 15 ألف جنيه، حيث وصلت تكلفته إلى 14 ألف جنيه تقريبًا: «لو مفيش حد اشتراه السنة دي، بنفكه وبنحطه في المخزن للسنة الجاية».
أقرا.. أسرة مسيحية تصنع زينة وفوانيس رمضان بالمحلة: شهر بيفرحنا كلنا
بجانب الفانوس، يوجد فوانيس صغيرة، تسمى «أولاد الفانوس»، صممت أيضًا بنفس الطريقة، ووضع الفانوس أمام المحل، حيث يثير إعجاب المارة، بحسب «رجب»: «كل اللي بيعدي بيتصور معاه».
