السيسي: «نهدف لتأمين بيانات المواطنين.. مينفعش معلومات كارت الطالب تبقى متاحة للكل»
السيسي: «نهدف لتأمين بيانات المواطنين.. مينفعش معلومات كارت الطالب تبقى متاحة للكل»
شدد الرئيس عبدالفتاح السيسي، على أهمية تأمين البيانات والمعلومات، خلال كلمته في افتتاح مركز الإصدارات الذكية والمؤمنة في العاصمة الإدارية الجديدة، قائلا: «البيانات يا جماعة والمعلومات كنز، هي كنز وهقول تعبير صعب، و(عورة)، مينفعش كارت الطالب تبقى كل معلوماته متاحة للكل».
وأشار السيسي، إلى أن المنظومة الإلكترونية الحديثة ستؤمن كل البيانات المتعلقة بالمواطنين الذين يحصلون على الخدمات من مختلف مؤسسات الدولة، «إحنا هيبقى عندنا قاعدة بيانات عامة مؤمنة لحماية الدولة والمواطن (قاعدة البيانات دييه مش هاتكون متاحة للكل، كل مؤسسة بتقدم خدمة هاتطلع على الجزء الخاص بالخدمة ديه، لكن البيانات الكاملة مش هاتكون متاحة علشان نحمي صاحبها».
وأكمل: «يعني أنا لو رايح التأمين الصحي الشامل، ومعايا البطاقة الخاصة بيا، أدخل على المستشفى اللي أنا هاخد منها الخدمة، هما يقدروا يشوفوا التاريخ الطبي بتاعي، بس ميشوفوش باقي حاجاتي، مينفعش يشوف أي حاجة تانية».
وافتتح الرئيس عبدالفتاح السيسي، صباح اليوم، مجمع الإصدارات المؤمنة والذكية، والذي يعد صرحًا تكنولوجيا عملاقًا فائق القدرات الفنية المتدورة في مجال تصنيع وإصدار الوثائق الثبوتية المؤمنة، كما يمثل مجمع الإصدارات المؤمنة والذكية، قيمة مضافة كبيرة لدعم استراتيجية الدولة للتحول الرقمي والميكنة.
