وزير التعليم: الغشاش «مش هيتبسط» في امتحانات الثانوية العامة
وزير التعليم: الغشاش «مش هيتبسط» في امتحانات الثانوية العامة
قال الدكتور طارق شوقي، وزير التربية والتعليم، والتعليم الفني، إن الشهادة الثانوية وامتحاناتها مختلفة تمامًا عن السنوات النقل في المرحلة الثانوية، موضحا أن سنوات النقل لا يتم فيها اتخاذ نفس الإجراءات التي تتم في الشهادة الثانوية، مشيرًا إلى أن جميع الخطوات المطلوبة للقضاء على الغش قضاءً مبرمًا في امتحانات الشهادة الثانوية تم اتخاذها.
الغشاش «مش هيتبسط» في امتحانات الثانوية العامة
وأضاف «شوقي»، خلال مداخلة هاتفية في برنامج «حضرة المواطن»، مع الإعلامي سيد علي، على شاشة «الحدث اليوم»، أن الطالب الذي سيعتمد على الغش في امتحانات الثانوية العامة لن يسعد في هذه الامتحانات: «أنا بقول من دلوقتي عشان يحضر نفسه، كان هناك عمل جماعي في امتحانات الصف الأول والثاني الثانوي كونهم سنوات نقل».
وأشار وزير التربية والتعليم، والتعليم الفني، إلى أن الامتحانات التي تمت للصفين الأول والثاني الثانوي في 27 فبراير الماضي والتي انتهت يوم 11 مارس الماضي، أكثر من 80% من الطلاب للأسف الشديد لجأ للعمل الجماعي: «مش عاوز أسميه غش، دي حاجة لازم الوزارة تستوعبها وتذاكرها وتدرسها جيدا».
الـ10 سنين اللي فاتوا سنوات النقل نجحوا ازاي؟
وتابع: «فيه ناس بتسأل ليه الوزارة لم تمنع الغش في امتحانات أولى وتانية ثانوي، احنا عندنا في سنوات النقل 23 مليون طالب، لو هنجيب وزارة الداخلية تؤمن الامتحانات وتساعدنا بالعصيان الالكترونية، ونجيب شركات تأمين خاصة، إحنا كده بنتكلم عن مصروفات خيالية، بس أنا عاوز أسأل سؤال مش بنحب نتكلم فيه، يعني هو الـ 10 سنين اللي فاتوا كنا بنعمل ايه في سنوات النقل، وكانوا بينجحوا إزاي؟».
