خبير بحري يطالب باعتبار يوم تعويم السفينة الجانحة «عيد رسمي»
خبير بحري يطالب باعتبار يوم تعويم السفينة الجانحة «عيد رسمي»
- السفينة الجانحة
- قناة السويس
- جنوح السفينة
- حوادث السفن
- السفينة الجانحة
- قناة السويس
- جنوح السفينة
- حوادث السفن
عدة عوامل كانت عائقا أمام تعويم السفينة الجانحة في قناة السويس، وعلي الرغم من صعوبات العملية إلا أن المصريين نجحوا في التحدي الأصعب للقناة خلال السنوات القليلة الماضية، وبجهود ذاتية تمكنوا من تعويم السفينة الجانحة.
تحدي ونجاح
نجاح رجال قناة السويس فى ذلك التحدي الكبير وتحريك السفينة الجانحة أمس، دفع نهاد النقراشي مهندس بحري متقاعد، إلي اعتبار عملية التعويم السفينة الجانحة، عبور جديد يقوم به المصريين وأنه لابد من اعتبار ذلك اليوم عيد رسمي للقناة.
عدة سنوات قضاها «النقراشي» في البحر نظرا لطبيعة عمله، ما أكسبه القدرة علي تحليل المواقف الصعبة التي قد تتعرض لها السفن في البحار، والمساهمة في وضع حلول لها: «أصعب مشكلة بتواجه القبطان هي حوداث الجنوح، لأن السفينة مصممه علشان تكون في المياه، فمستحيل يكون سهل التعامل معاها في حاله جنوحها خارج المياه، زي اللي حصل في قناة السويس».
عوامل أدت إلي تعقيد عملية تعويم السفينة
وأن صعوبه التعامل مع السفينة الجانحة كان بسبب وضعها، لأن التعامل معها بواسطة القاطرات صعب للغاية نظرا لجنوحها بعرض القناة،: «علشان تتعامل معاها وهي في المياة، لازم يكون فيه عقول عبقرية علشان تقدر تتحكم في حركة السفينة، وخصوصا لما تكون محملة، لأن أي حركة غلط هتقلب السفينة كلها، وما زاد من الصعوبة إن قاطرات السحب نفسها لم تكن قادرة على العبور من ناحية لأخري بمياه القناة كون السفينة الجانحة أغلقت المجري الملاحي، ومن هنا وجب الحذر في الشد والتعامل مع السفينة».
التعامل مع السفينة الجانحة يتطلب الحرص بشكل كامل علي عدم إنزال الحمولة وذلك لتأثير ذلك بشكل كبير علي ثقة الشركات العالمية في القناة، ومن ثم دعم أي مشروع آخر يكون بديل لها: «مكنش ينفع الحمولة تنزل لأن الموضوع كان ممكن ياخد أكتر من 6 شهور، وده طبعا مستحيل، لأن العالم كله تأثر بالسلب بسبب جنوح السفينة وإغلاق الملاحة عبر القناة».
يري الخبير البحري أنه لابد من اعتبار يوم تعويم السفينة عيد رسمي لقناة السويس، نظرا لدقة تلك العملية وحساسية الأمر: «لازم ده يكون عيد رسمي للقناة، لأن الحادثة دي اثبتت براعة المصريين في إدراة الأزمات، في وقت العالم كله كان بيتابع الحدث، خصوصا إن السفينة دي تعتبر من أكبر سفن العالم، وحمولتها وصلت لحوالي ربع مليون طن وده أمر معقد جدا، علشان كده اليوم ده لازم يكون عيد»
