بريد الوطن.. أمي
بريد الوطن.. أمي
أمى يا ساكنة القلب والشرايين
يا حب كبير ملوش آخر
يا چُب عميق لسر حياتى
واللهفة
إنتى سفينتى والدفة
يا طيبة فى العيون باينة
بحزن تقيل ورا البسمة
أمى يا رغبة مكبوتة
لحلم صغير عايز أكوان
فكون واحد ضعيف مهزوم
وأنا جوايا روح فنان
عايز يرسم إيديكى الحلوة فى الكوشة
وسِنة سِنة مع النونو
ما أنا شرفت أهو ورخمت
عليكى إنتى وأبويا
وخطوة خطوة كبر الطفل جوايا
عرف إن إنتى حدوتة
شايلة الهم من بدرى
أنا وإخواتى والعيلة
عليكى الأهل مسنودة
أنا الدوشة
وأنا الزيطة
وأنا برضه حيطانك الصد
إللى بتحمى وتدارى
ما أنا البِكرى
أنا الأول
أسماء عبدالخالق
يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
