وزيرة الصحة للمواطنين: مُكالمات طلب سيارة إسعاف «مُسجلة»
وزيرة الصحة للمواطنين: مُكالمات طلب سيارة إسعاف «مُسجلة»
قالت الدكتورة هالة زايد، وزيرة الصحة والسكان، إن أي بلاغ يُقدم لطلب سيارات إسعاف يتم تسجيله إلكترونيا في القرية الذكية، «عندنا سجلات إلكترونية مدققة ومؤمنة جدًا على السوفت وير، والسيستم كله مؤمن ومُسجل، لما تتصل تقول يا جماعة عاوز إسعاف المكالمة دي مُسجلة، وتتسجل أن فيه بلاغ، والاستجابة بتتسجل، وأول عربية إسعاف تصل للواقعة يتم تسجيلها، ده كله إلكتروني مش تقرير ورقي».
وأضافت «زايد»، خلال تصريحات تليفزيونية، أن الأهالي قاموا بنقل 64 حالة من حالات الإصابة والوفيات جراء حادث تصادم قطاري سوهاج، «ده العنصر المصري الأصيل، شهامة ورجولة وجدعنة، أنا أصريت أني أروح طهطا واسلم عليهم وأقف معاهم نفسيًا، كانوا ناس محترمة، ورجالة محترمة، وسيدات في منتهى الاحترام، كلهم وقفوا معانا».
وأشارت وزيرة الصحة والسكان، إلى أن الفرق الطبية ذهبت لكل المستشفيات التي نقل إليها المصابون، خاصة مستشفيات محافظة أسيوط، «أسيوط كانت أقرب للحادثة من سوهاج، وتم مراجعة الحالات التي اتبلغ عنها أنها وفيات ونقلت عن طريق الأهالي، فيه ناس كان عندها غيبوبة نتيجة إصابات بالرأس والناس افتكروها ماتوا».
وتابعت: «فيه 3 أكياس أشلاء محددناش يخصوا كام جثمان بس الطب الشرعي هو اللي هيقولنا من خلال الـ dna، تدقيق البيانات شئ مهم جدا، لأن بيانات الصحة اللي يُصدر بيشتغل عليه النيابة العامة ووزارة التضامن وغيرهم، الأهالي ساندت في نقل الجثامين والمصابين، واحنا مهمتنا نراجع كل ده من أول وجديد لغاية بليل ودققنا وحصرنا، فيه جثامين مكناش متعرفين عليها اتعرفنا عليها».
