هند صبري: «هجمة مرتدة» يجمعني مع أحمد عز بعد 20 سنة
هند صبري: «هجمة مرتدة» يجمعني مع أحمد عز بعد 20 سنة
كشفت الفنانة هند صبري عن تفاصيل مسلسل «هجمة مرتدة»، والذي من المقرر عرضه في الموسم الرمضاني المقبل، قائلة إنها تخوض لأول مرة مثل هذا العمل، وهو مسلسل مستوحى من أحد ملفات المخابرات المصرية، والجديد فيه أنه ملف معاصر، مردفة «يمكن أحنا متعودين لما بنسمع ملفات المخابرات المصرية نفتكر رأفت الهجان، لكن زي كل حاجة في الدنيا الجو المخابراتي بيتغير مع الزمن».
وأضافت «هند» خلال لقاء ببرنامج «يوم ليك»، المذاع على شاشة قناة الحياة، «أحنا لأول مرة بنقدم ملف جديد جدا، والناس كلها شافته وعاشته، مش تاريخ، وله علاقة بالإسلام السياسي أو الإخوان بس من بعيد، هو له علاقة أكبر بالربيع العربي وإيه اللي وصل بينا لكده».
وتابعت: «بيشارك في المسلسل معايا أحمد عز، والجميل إن أول فيلم لينا احنا الاتنين كان (مذكرات مراهقة)، وبقالنا 20 سنة مشتغلناش مع بعض بعدها، وبقابله تاني بجانب المسلسل في فيلم كيرة والجن».
مسلسل «هجمة مرتدة» عن قصة من ملفات المخابرات المصرية، ويعرض في سباق الدراما الرمضانية 2021، حيث يعود الفنان أحمد عز، إلى الدراما بعد غياب دام 3 أعوام منذ مسلسل «أبو عمر المصري» عام 2018.
