ناهد جمال صاحبة التروسيكل: شقيانة عشان أولادي يكملوا تعليمهم
ناهد جمال صاحبة التروسيكل: شقيانة عشان أولادي يكملوا تعليمهم
روت ناهد جمال سعيد، التي تعمل شيالة على «تروسيكل»، وفاجأها الرئيس عبدالفتاح السيسي على الهواء، معلنًا الاستجابة لجميع مطالبها وتلبية احتياجاتها، قصة كفاحها قائلة إنها تعيش في منطقة أوسيم بالجيزة وزوجها يعيش في ظروف خارجة عن إرادته ولديها 5 بنات، حيث كان يعمل «سايس» وحدثت معه مشكلة ولم يبق معها حاليا، ثم قررت شراء «تروسيكل» للعمل عليه «بالصدفة كدة وأنا بدور علي شغل في ناس جيرانا جايبين تروسيكل قالولي إحنا جايبينه ومش عارفين نشتغل عليه، خديه وأكلي عيالك منه وكملي القسط بدفع قسط 1260 جنيه، واتعلمت أسوقه في يومين».
وأضافت «ناهد»، خلال لقاء ببرنامج «من مصر»، المذاع على شاشة قناة «cbc»، ويقدمه الإعلامي عمرو خليل والإعلامية ريهام براهيم، أن لديها 5 بنات، الكبرى بالصف الأول الإعدادي، والثانية في الصف السادس الابتدائي، والثالثة في الصف الثالث الابتدائي، والرابعة في أولى والخامسة في أولى ابتدائي، معقبة: «أنا شقيانة عشان يكملوا تعليمهم، عشان اللي أنا مشفتهوش يشفوه، ومايبصوش لحد».
وعن ردود فعل الناس حول عملها، قالت: «فيه ناس بتضايقني وفيه ناس محدش بيتضايق، واللي بيتضايق مش بحطه في دماغي، لأن دة أكل عيشي، ومليش دعوة بحد، أنا بشتغل عشان أجيب جنيه أأكل به عيالي وأدفع إيجاري محدش يخبط عليا، ولما آخد بالي من كلام الناس مش هشتغل».
وتابعت: «مش طالبة غير حاجتين، طالبة رخصة لكشك عشان تعبت من شغل التروسيكل وبطلع من الساعة 4 الفجر وبرجع البيت العصر عشان أأكل أولادي وبعدين باضطر أشتغل تاني، وطلبي التاني إن ربنا يفك ضيقة زوجي، وباخد بنتي معايا حماية ليا».
