أهالي القاهرة التاريخية بعد زيارة رئيس الوزراء: نؤيد التطوير دون ضرر لنا
أهالي القاهرة التاريخية بعد زيارة رئيس الوزراء: نؤيد التطوير دون ضرر لنا
- القاهرة التاريخية
- الغورية
- تطوير القاهرة
- قبة الغوري
- القاهرة التاريخية
- الغورية
- تطوير القاهرة
- قبة الغوري
أعرب أهالى القاهرة التاريخية عن ارتياحهم لزيارة الدكتور مصطفى مدبولي، رئيس مجلس الوزراء أمس السبت، إلى المنطقة، مؤكدين أنهم مع تطوير المكان لرفع كفاءته، لجذب السياح، وتخفيف الضغط على الشوارع وتسهيل حركة المارة وتيسيير المرور.
حسين أنور، (45 سنة)، صاحب كشك سجاير، لديه أسرة فى مراحل التعليم الجامعي والثانوي، قال: «فوجئنا بالزيارة وعرفنا أنها لجنة من مجلس الوزراء ووفد من اليونسكو، ومعهم محافظ القاهرة، وأنا واخد كشك من أكشاك المحافظة الموجودة خلف قبة الغوري، وبدفع لها إيجار والكشك واخد ترخيص، والكشك هو مصدر رزقي أنا وأسرتي، ونتمنى أن ندخل في نطاق التطوير بما يتناسب مع المنطقة التاريخية».
متابعا: «أحنا فرحنا بالتطوير، والأكشاك بتاعتنا بعيدة عن حرم المبنى الأثري ولا نسبب أى ضرر للأثر، ونحن نحافظ على الشكل الحضارى للمكان ونعرف قيمة الآثار، وقد طلبنا من الحى عمل تاندات يتناسب شكلها مع الشكل الجمالى للأثار، ونتمنى ألا يتسبب التحديث لتا بأى ضرر لأن أى يوم بنقفله بيفرق معانا.
وووجه «أنور» رسالة للدكتور مصطفى مدبولي قائلا: «رئيس الوزراء وشه سمح، وبقوله أحنا معاك يا ريس في أى تطوير يفيدنا ويفيد البلد من غير ضرر لينا».
وقال محمد فتحى، صاحب محل عطور استيراد وتصدير: «كنت فاتح المحل وقت الزيارة، وبعض المحلات قفلت بمزاجها، وظابط الدرب الأحمر قالي اشتغل، هم بتوع الحى اللى كانوا بيجودا، رئيس الوزراء كان عايز يتفرج على المحلات».
وتابع: «عايز أقول لرئيس الوزراء القاهرة الفاطمية محتاجة فعلا للتطوير، والموقف حالته صعبة، لما يكون حفلة للتنورة الأجانب مش بيعرفوا يوصلوا للقبة من زحمة الطريق والعربيات في الموقف، لأنهم مش واخدين على العبور خلال سير العربيات في ميدان الغورية».
شريف رجب، قهوجي، قال «كنت موجود وقت زيارة رئيس الوزراء، ومر علينا وألقى علينا السلام ثم غادر قبة الغوري، وزيارته لم تعطلنا، أخدت بالي لما رئيس مباحث الدرب الأحمر أحمد بيه قدري، شاف طفل مريض مع والده، في الموكب، بعت أمين المباحث مع الطفل وأبوه للمستشفى، واتكفل رئيس المباحث بدفع مصاريف علاجه».
حمادة أحمد، صاحب محل قماش، قال «أنا متفائل بالتطوير، كفاية أن الزبون يشوف حاجة نضيفة، وده يشجع السياحة، قبل كورونا كانت السياحة عندنا في القاهرة التاريخية أكتر من شرم الشيخ، كل التطوير والتحديث في صالحنا إلا أنه أى حد يتضرر، هبقى سعيد بالتطوير، والمكان ده اتولدت فيه واتربيت فيه وهموت هنا».
