مجلس الوزراء: «مفيش مواطن هيضطر يروح العاصمة الإدارية عشان يخلص مصلحة»
مجلس الوزراء: «مفيش مواطن هيضطر يروح العاصمة الإدارية عشان يخلص مصلحة»
قال المستشار نادر سعد، المتحدث باسم مجلس الوزراء، إن المصالح والمكاتب الخدمية ستكون متواجدة في مكانها، حتى بعد الانتقال للعاصمة الإدارية الجديدة، مؤكدا: «مفيش مواطن هيضطر يروح العاصمة الإدارية عشان يخلص مصلحة ما، مفيش مواطن من السيدة زينب أو المعادي كمثال عاوز يجدد بطاقة التموين هينطلب منه يروح العاصمة».
وأضاف «سعد»، خلال تصريحات تليفزيونية، أنه سيكون هناك بالطبع مكاتب خدمية في العاصمة الإدارية، ولكن لتخدم الموظفين المتواجدين بالفعل داخلها، سواء القاطنين بها أو المقيمين بجوارها: «يعني محدش يقلق، مش هنخلي حد من القاهرة والجيزة يضطر يروح العاصمة الإدارية عشان يقضي مصلحة أو ينجز خدمة».
وأشار المتحدث باسم مجلس الوزراء، إلى أن الانتقال للعاصمة الإدارية لا يعني «أننا هنعزل»؛ إذ أن الانتقال للعاصمة الإدارية يعني فقط الانتقال إلى مدينة جديدة مقامة على أحد الطرق الإنشائية والطرق المتواجدة بها مخططة وفق أحدث مجالات العمران، لكن في نفس الوقت الانتقال لها له شق آخر مهم للغاية.
وتابع المستشار نادر سعد: «هيبقى فيه نقلة في آليات العمل داخل أجهزة الدولة، وآليات التواصل بين الوزارات وكيفية أداء الأعمال بعد الانتقال للعاصمة الإدارية سيكون بشكل مختلف، مش هنعتمد فيها على نظام الورقي المعتاد اللي مصر معتمدة عليه منذ قرون، هيكون آليات تعتمد على تطبيقات الكترونية، وده يتماشى مع الاتجاه العام اللي احنا متجهين ليه كدولة رقمنة كل الخدمات الحكومية».
