شاعر شارع: «مهران» بيقولكم أنا اللى هنضف ودانكم من أغانى المهرجانات

10:43 ص | الأحد 10 أغسطس 2014

أشعاره لا سلطان عليها، وكلماته تعبر عن تجارب عاشها فى بلده منذ الثورة وحتى رفع الدعم وغلاء الأسعار، هو الشاعر هانى مهران، الذى لقّب نفسه بـ«شاعر الشارع» حيث قرر أن يخرج بأشعاره من حيز الندوات والملتقيات الشعرية إلى الشارع صارخاً بعلو صوته: «هاقول الشعر فى الشارع، أصل أنا حر، أصل أنا شاعر». وسط زحام شارع «عماد الدين» يحجز الشاعر «مهران» لنفسه مكاناً، يقف على مقربة من المارة، يتأهب لسرد أشعاره التى صدرت فى أول ديوان له عام 2008 باسم «فى الجامعة» ويليه عام 2011 ديوان «باحب الحكومة» بعد أن كره الحفلات أو كتابة الدواوين التى لا يشتريها سوى القادرين أو المثقفين أو الطبقة المهتمة بالشعر: «فيه ناس كتير بتحب الشعر بس مش بيوصل لها، وفيه ناس محتاجة تسمع شعر عشان تهذب من أخلاقها وأنا نازل أخاطب الفئتين، لأن الشعر حر متخلقش عشان يبقى بس فى ديوان أو حفلة يقطع لها الناس تذاكر». الانتماء صفة غابت عن بعض المصريين الفترة الماضية، بفعل سلوكيات معهودة منذ الصغر تسببت فى ما آلت إليه مصر خلال السنوات الثلاث الماضية من الكراهية والتنازع، لخصها «هانى» فى إحدى قصائده قائلاً: «أنا كنت مباقفش الطابور فى المدرسة علشان ماحييش العلم زى العيال وخلاص وعشان كده واضح ما بينا الاختلاف كان العلم بيحبنى لوحدى أما انت من ضمن العيال خواف غصب عنك ترتجف ترفع إيديك وعنيك تلف على الأساتذة عمرك ما بصيت للعلم وعشان كده عمرك ما حسيت بالوطن».