وزير التعليم: لم تأتنا أي ملاحظة تقريبا منذ بدء الامتحانات حتى الآن
وزير التعليم: لم تأتنا أي ملاحظة تقريبا منذ بدء الامتحانات حتى الآن
قال الدكتور طارق شوقي، وزير التربية والتعليم والتعليم الفني، إنه لم تأت أية ملاحظات تقريبًا من أداء الامتحانات حتى الآن في الصفوف من الرابع الابتدائي وحتى الثاني الإعدادي.
وأضاف شوقي خلال مداخلة هاتفية في برنامج «يحدث في مصر»، مع الإعلامي شريف عامر، على شاشة «mbc مصر»: «إحنا يوم الأحد امتحنا 2 مليون و85 ألف طالب، ويوم الاثنين امتحان الصف الخامس الابتدائي كان عددهم 2 مليون و15 ألف طالب، والنهاردة كانوا 2 مليون و33 ألف طالب تقريبا، يعني 6 مليون و300 ألف طالب».
وتابع: «الموضوع خلص بالنسبة للطلاب دول والنتائج بدأت تظهر، شيء الحقيقة مكناش نحلم بأحسن من كده في ظل ظروف جائحة فيروس كورونا المستجد».
وقال: «عاوز أفكر الناس عشان احنا بننسي بسرعة أوي أوي ، كنا كلنا بنتكلم حد يوم الجمعة عن وجود فيروس كورونا، فجأة كدا نسيناها وانشغلنا في الأيام الثلاثة اللي فاتوا بحاجات مكنتش موجودة، يعني الناس كانت بتعمل الهلع عشان متمتحنش، إحنا عملنا الامتحانات المجمعة عشان حاجة استثنائي للتعامل مع كورونا، ده مش حل دائم».
وأوضح أن الامتحان المجمع فكرة للتعامل مع الوضع، قائلاً: «الحمد لله 6 مليون قدروا يخلصوا الامتحانات وتم تقييمهم».
