أديب يسرد رسائل السيسي من تدخله في الشهر العقاري: «مش جباية وسامعكم»
أديب يسرد رسائل السيسي من تدخله في الشهر العقاري: «مش جباية وسامعكم»
أشاد الإعلامي عمرو أديب، بتوجيه الرئيس عبدالفتاح السيسي، للدكتور مصطفى مدبولي رئيس الحكومة، بتأجيل تطبيق القانون رقم 186 لسنة 2020، الخاص بتعديل قانون الشهر العقاري، لفترة انتقالية لا تقل عن عامين، بهدف إتاحة الفرصة والوقت، لإجراء حوار مجتمعي، حيث قال «الناس إمبارح كانت مبسوطة بسنة واحدة».
وأضاف « أديب»، خلال تقديمه برنامج «الحكاية»، على شاشة «mbc مصر»، أن الرئيس السيسي، وجه بتأجيل تلك التعديلات سنتين، من أجل عمل حوار مجتمعي، وسيكون في تلك الفترة، مبلغ مقطوع معروف بالنسبة لتسجيل الوحدات في الشهر العقاري، «كل شقة على قد مساحتها ومكانها، هيكون فيه أشياء تنظيمية كبيرة».
وأشار الإعلامي، إلى أن هناك رسائل أرادت القيادة السياسية والرئيس عبد الفتاح السيسي توجيهها للمواطنين، بخصوص هذا الأمر، الأول «الدولة مكنتش عاملة ده جباية، يعني الحكومة مش مزنوقة في قرشين وقالوا مش معانا نعمل اية طب نلم من الناس، لا خالص، وده رد على الناس اللي بتقول الحكومة بتعصرنا وعاوزه فلوسنا».
وتابع: «لا خالص، مكنش ده أبدًا الهدف، رغم أن المتحصلات اللي بتعملها الدولة تفيد في بناء الدولة وفي دعم الخدمات ودعم الأنشطة اللي تقدمها الدولة سواء صحة أو تعليم بس ده مكنش الهدف»، موضحًا أن الأمر الثاني هي رسالة من الرئيس السيسي والقيادة السياسية للمواطنين بأن أصواتهم مسموعة، «بيقولنا أنا سمعتكم».
وواصل: «كأنه بيقول أنا سامع أنت بتقول ايه، وسامح الحوار المجتمعي، وسامع الناس بتتكلم ازاي، وسامع القلق بتاعكم وأنا معاكم، لأن كان فيه ناس تُحاول تحسسك أن فيه سلطة وفيه بشر، فيه الحكومة وفيه مواطنين، وماشيين بمبدأ إحنا حاجة وهما حاجة، لا مفيش كده، احنا كلنا واحد، رسالة من الرئيس أنه موجود وسطنا».
