وفد كنسي يقدم الورود لجيرانهم المسلمين في افتتاح مسجد بالمحلة (فيديو)
وفد كنسي يقدم الورود لجيرانهم المسلمين في افتتاح مسجد بالمحلة (فيديو)
كشف القمص دانيال عزمي زكي، كاهن كنيسة الملاك ميخائيل بالمحلة، تفاصيل تقديم وفد كنسي الورود لجيرانهم المسلمين، ومشاركتهم في افتتاح مسجد، قائلا إن هذه هي مصر التي تعلموا فيها ذلك، «كلنا حبايب في المنطقة واخوات، والحكاية دي مش أول مرة».
وسرد «زكي»، خلال اتصال هاتفي ببرنامج «التاسعة»، المذاع على شاشة التلفزيون المصري، تقديم الإعلامي يوسف الحسيني، حكاية أخرى تبين مدى المحبة بين المسلمين والمسيحيين، قائلا: «جرس الكنيسة اشتريناه من 25 سنة، والعربية اللي نقلته رميته في الشارع ومشيت، فوقفنا محتاسين مش عارفين نعمل حاجة، فجه الحاج محمود مصطفى، صاحب ورشة كبيرة لإصلاح وصيانة عربات النقل، فقالنا متشلوش هم، وجاب العمال وهو اللي رفعه وركبه، وهو اللي ضربه أول مرة عشان يجربه، والناس فرحت حوالين الكنيسة».
وتابع: «محدش هيقدر يخش بينا ولا هنسمح بكده، اللي بيحرس الكنيسة أيام الثورة كانوا ضباط مسلمين، كنت بروح الساعة 6 صباحا عشان أصلي بلاقيهم قاعدين على باب الكنيسة، هما اللي حموا البلد».
