وزير التعليم يُطمن أولياء أمور أولى وثانية ثانوي: السيستم مش هيقع بكرة
وزير التعليم يُطمن أولياء أمور أولى وثانية ثانوي: السيستم مش هيقع بكرة
طمأن الدكتور طارق شوقي، وزير التربية والتعليم، والتعليم الفني، أولياء أمور طلاب الصفي الأول والثاني الثانوي، بخصوص الامتحانات التي ستجري غدًا بعد سقوط السيستم اليوم والذي أعاق 70 ألف طالب من أداء الامتحان من بين 620 ألف طالب، حيث قال « السيستم بكرة مش هيقع، دي كلها مشاكل خاصة بالاتصالات إلى حد بعيد».
وأضاف «شوقي»، خلال تصريحات تليفزيونية، أنه سيتم تقسيم المحافظات غدًا، «هيبقى فيه ترحيل في المواعيد، فيه ناس هتخش 9 وناس تخش 10 صباحًا، مفيش قضية حصلت النهاردة عشان يحصل ده كله، مفيش أدنى علاقة بين الحلول الفنية اللي يعرفها الفنيين وبما سيحدث في الثانوية العامة».
وأوضح وزير التربية والتعليم، أن البعض يروج بنية سيئة «بيقولوا لما السيستم يقع نثق فيكم إزاي في امتحانات الثانوية العامة»، موضحًا أنه يؤكد أن هذا الأمر ملهوش علاقة بامتحانات الثانوية العامة، «الثانوية سيكون لها تصميم فني معقد جدًا، لن يسمح بمثل هذا لأنها شهادة عامة، وإحنا حريصين على ذلك، ومفيش ربط بينهم».
وتابع: «اللي حصل النهاردة أمور فنية في تصميم الشبكات، مش عاوز نتكلم فيها، بس ده موضوع مفتوح بين وزارة التعليم ووزارة الاتصالات، لازم كنا نعمل التجارب عشان نعرف حجم الشبكات، والشبكة تشيل قد اية»، موضحًا أن البعض قارن بالامتحانات التي أجريت العام الماضي لطلاب الصف الأول والثاني الثانوي ولم يقع السيستم.
وأشار إلى أن السيستم لم يقع العام الماضي كون الطلاب كان متاح لهم الدخول للامتحانات خلال 12 ساعة، «وقت ما يحب يدخل يحل كان بيدخل وكان من البيوت إنما ده من اللجان وفي توقيت واحد وعرفنا الاحتقان فين، ومش هيقع بكره».
