محمد عدوية: 2020 قربتني من ربنا وعائلتي أكثر

01:51 م | الأربعاء 24 فبراير 2021

حل الفنان محمد عدوية، ضيفا على برنامج «إصحى بانرجي»، مع زهرة رامي، عبر راديو إينرجي 92.1.

2020 فرقت معايا في إني قربت من ربنا

وقال الفنان محمد عدوية، خلال اللقاء، إن عام 2020 فرق معه كثيرا؛ خصوصا فيما يخص علاقته مع الله وعائلته: «2020 فرقت معايا في إني قربت من ربنا أكتر وبقيت أقعد مع العيلة أكتر، وعلى مستوى الشغل كانت سنة حلوة بالنسبة لي وقدمت العديد من الأعمال الفنية وتصوير للإعلانات، واستطعت أدمج فيها بين الشرقي والغربي، ومن هنا بدأت النقلة والاختلاف في الأعمال التي أقدمها».

أحمد عدوية مفيش زيه

وكشف «عدوية» أنه يسمع الكثير من أنواع الموسيقى المختلفة حول العالم، مؤكدا أنه في الحديث عن والده تكون دائما شهادته مجروحة به، ولكنه يصف والده دائما بـ«الأستاذ»: «بشوف إن أحمد عدوية مفيش زيه؛ لإن خامة صوته مختلفة جدا، ومفيش أي حد يقدم المقامات زيه».

ولفت محمد عدوية إلى أن أغنية «حكاية روح»، رفضها العددين من المطربين: «اترفضت من كذا مطرب لإنهم خافوا يغنوها لما عرضها عليهم الشاعر محمد عبدالجابر، لكن لما عرضها عليا وافقت على الفور»، منوها إلى أنه يوجد في الوطن العربي أنواعا مختلفة من المزيكا، وتتميز بأصالة المقامات، ولا يوجد شخص يصلح لتقليد شخص آخر.

الفنان محمد عدوية يطرح أغنية «مش بالساهل»

الفنان محمد عدوية طرح مؤخرا أغنية «مش بالساهل»، عبر قناته على «يوتيوب»، وتقول كلماتها: «مش بالساهل، نقابل حد يستاهل، زمن بيعلّي في الجاهل، وبيرخص ولاد الناس.. شوفتوا الخيبة، بقوا بيتباهوا بالعيبة، سلامة النية دي مصيبة، مبتجبش إلا وجع الراس.. والطيبة بتترد بقسوة، ناس ياما بتطلع ولا تسوى وميتعاشروش.. يحترموك بس عشان قرشك، وعينهم بتبص في كرشك مبيتكسفوش»، كلمات أحمد جابر، ألحان محمد شحاتة، توزيع وسام عبدالمنعم.