رجاء حسين عن سبب رفضها مهرجانات السينما: «مبعرفش ألعب شلح»

علقت الفنانة رجاء حسين، على انتقادها مهرجانات السينما ورفضها دعوة لحضور مهرجان الجونة، قائلة: إنها رفضت لعدة أسباب، «بعرف ألعب كومي لكن شلح معرفهاش، والمهرجانات دي بتبقي شلح وأنا معرفش، لا في صغري عملتها ولا لما كبرت ولا هعملها، وكل واحد حر في رأيه».

وأشارت الفنانة، رإلى أنها غضبت منذ عدة أعوام عندما انتشرت صورة لشبيهة لها، وادعى البعض أنها هي، وأنها قامت بعملية تجميل، «لأن أنا وشي أهو وهاتلي أتخن دكتور يقول إني عملت عملية تجميل (..) أنا بحب نفسي وبحترم نفسي والناس، واللي بيحترم نفسه بيحترم الجماهير والآراء الأخرى فيه».

بعشق كل خط في وشي لأنه عمر عيشته 

وأضافت حسين، خلال حوارها في برنامج «اسألني»، المذاع على فضائية Cbc، أن «كل خط في وشي مخطوط بعشقه لأن ده عمر أنا عيشته بحلوة وبمره، وأنا كده أحلي وأجمل من زمان، وأنا كده ست محترمة جدا جدا عن زمان»، وعن طلب الفنانة فاتن حمامة منها في فيلم «أفواه وأرانب» غسل وجهها عندما وضعت مكياج، أجابت «لأن لما قريت السيناريو الست دي بتخلف كل سنة، فأكيد بتيجي بالليل بتلبس جلابية نضيفة وبتخلف، ولما دخلت بمكياج اللوكيشن، فاتن حمامة قالتلي: رجاء كده غلط لأن هما فقراء اوي، وكان كلامها صح جدا، قولتلها خلاص لو كده مش هصور النهاردة، ونادت على هنري بركات وطلبت منه يحذف مشاهدي في اليوم ده وقالتله: إني عندي عذر».

لم أرَ في حياتي شخصية مثل فاتن حمامة

وتابعت، «فاتن حمامة لم أرَ في حياتي سيدة بهذه السلوكيات، لأنها كانت أول واحدة بتحضر، وهيا حاطة مكياجها وبتبقي قاعدة محترمة وصوتها واطي وتعطي الملحوظة بشكل عظيم للغاية، مضيفة «لما روحت من اللوكيشن اخترت جلابية كانت عندي وقديمة جدا ومنديل وضفرت شعري ودخلت اللوكيشن وقولت حد معاه مطواة وخليت حد قطع لي الجلابية بتاعتي وطلع الدور فعلا كويس جدا».

• رجاء حسين
• فاتن حمامة
• برنامج اسألني
• مهرجان السينما
• مهرجان الجونة
• رجاء حسين
• فاتن حمامة
• برنامج اسألني
• مهرجان السينما
• مهرجان الجونة