مكافحة كورونا: «الصحة» أقوى وزارة بمصر.. و«زايد» أفضل وزيرة في العالم

03:21 م | الأحد 21 فبراير 2021

قال الدكتور حسام حسني رئيس اللجنة العلمية لمكافحة فيروس كورونا، إنّ وزارة الصحة هي الأقوى في مصر، والدكتورة هالة زايد وزيرة الصحة، أقوى وزيرة في العالم: «قالت أنا عاوزة وزارة الصحة المصرية يكون لها دور بحثي، وده كان مفيد لينا بشكل كبير جدا، عملنا أبحاث وبدأنا نغيّر بروتوكولات العلاج بناء على أبحاثنا إحنا مش الأبحاث اللي بتعملها دول العالم».

وأضاف حسني، خلال مؤتمر صحفي للوقوف على مستجدات أوضاع فيروس كورونا: «الناس كلها اتكلمت في وقت من الأوقات على الهيدروكسلوركين والعالم كله قال نوقفه، لكن في مصر عملنا اجتماع وقررنا إنّنا مش هنوقف الدواء وكملناه، وبعد 5 أيام العالم كله رجع ورا تاني وقال مش هنوقف استخدام الدواء، وبعد فترة أثبتت دراستنا إنّ الدواء هيكون مفيد في حالات معينة سواء البسيطة والمتوسطة، لكن في الحالات الشديدة مش هيعمل الدور المطلوب منه فغيّرنا البروتوكول».

وتابع رئيس اللجنة العلمية لمكافحة كورونا، أنّه بعد ظهور دواء الريمديسيفير وإشادة العالم كله به، أثبتت أبحاثنا أنّ فعالية الدواء تستمر لوقت معين ولمرضى معينين، وعلى هذا الأساس غيّرنا البروتوكول مرة أخرى.

واستطرد حسني: «بروتوكول شهر نوفمبر اللي بنحدث فيه دلوقتي، هو الوحيد في العالم اللي مذكور فيه كلمة الوقت ويوم معين، وقبل وبعد اليوم ده هتكون الأدوية دي مرفوضة، لكن في دور أكبر دلوقتي، إن أبحاثنا تكون مش على مستوى مصر بس، وتتنشر في المجلات العالمية الكبيرة».

وأكد أنّ أبحاث وزارة الصحة المصرية الخاصة بكورونا، منشورة في كبرى وكل المجلات العالمية، سواء كانت نتائج بروتوكول أو أبحاث، أو نتائج بلازما المتعافين، متابعا: «كل ده رفع اسم مصر، اشتغلنا على هدف واحد، إنّ وزارة الصحة المصرية لها هدف واحد وهو شفاء المصريين».