محمد منير: مفيش ألبوم طرحته في السوق محبتهوش.. بفكر في الجديد علطول
محمد منير: مفيش ألبوم طرحته في السوق محبتهوش.. بفكر في الجديد علطول
قال الفنان محمد منير، إنه لا يوجد ألبوم طرحه في السوق الفني دون أن يّحبه، «مفيش أي حاجة بتتمارس في حياتي إلا من خلال الحب، يعني مفيش أغنية محببة لي أكتر من أخرى، إحنا العلاقة اللي ما بينا علاقة حب، علاقتي مع زملائي في الوسط الفني علاقة حب، ربنا يخلي الفنانة يسرا، والفنان القدير عادل إمام، وإلهام شاهين وهالة صدقي».
وأضاف «منير»، خلال مداخلة هاتفية في برنامج «كلمة أخيرة»، مع الإعلامية لميس الحديدي، على شاشة «ON»، عن الأغنية المُحببة له في عيد الحب: «الأغنية اللي لسه منزلتهاش، الأغنية اللي لسه مسمعتوهاش، طالما المصنف الفني عندي نزل السوق، تنقطع علاقتي بالأغنية، وبفكر في الجديد على طول، والجديد مليان، إحنا عاوزين حب وعاوزين كل حاجة».
وعن سبب نزول ألبومه الجديد «باب الجمال» بشكل متقطع، رد الفنان، «إحنا بنتغير من زمن لزمن آخر، إحنا كنا في عصر الكاسيت، وبعدين عصر السي دي، والأمر تطور بعد ذلك وبقت الأغاني تنزل عن طريق الإنترنت، ده السوق والموضة حسب الزمن، فيه أغنية هتنزل الأسبوع الجاي، وأول الشهر أغنيتين أو ثلاثة».
