«زي الأفلام».. أغرب 3 مواقف طلاق في مصر: على سخان وفانلة
«زي الأفلام».. أغرب 3 مواقف طلاق في مصر: على سخان وفانلة
لا تنتهي حالات الطلاق يوميا، بسبب الخلافات التي أغلبها تكون صعبة ولا يستطيع الطرفان أو طرف واحد استكمال الحياة الزوجية، ولكن على جانب آخر هناك بعض الأمور والتصرفات التي تصف بالغريبة التي أدت للطلاق.
المأذون أحمد رفعت حكى لـ «الوطن»، بعض الحالات الغريبة التي مرت عليه وانتهت بالطلاق، موضحا لـ «الوطن»: «في كذا حالة طلاق كانت بالنسبة لي غريبة جدا واعتقد بالنسبة لأي حد ومش ناسيها لأن المواقف دي مش بتتكرر كتير».
وفيما يلي أغرب مواقف الطلاق بحسب المأذون
حكاية سخان مياه
حكى أحمد عن حالة طلاق رفضها، تعود لسيدة جاءت إليه تطلب الطلاق بكل أصرار بسبب المشاجرة على سخان المياه: «الموضوع كله أن أهل جوزها عايزين ابنهم يبات عندهم وهي كانت طالبة سخان عشان اللي عندها باظ، فعائلة جوزها قالولها هنبعته مع الطفل يوم السبت وهما جايبينه من الجمعة طيب إزاي بقى فجاية تطلق».
حكاية الفانلة
من المواقف الغريبة أيضا قصة «الفانلة المقلوبة» تعود إلى سيدة كانت تشعر بالشك اتجاه زوجها منذ فترة ولكنها لم تخبره بذلك: «قررت بقى تلبسه الفانلة بالمقلوب زي الأفلام بالظبط من غير ما ياخد باله ولما رجع لها بقى وهو بيقلع اكتشفت أن الفانلة معدولة يعني بيخونها فاطلقت»، بحسب المأذون الذي نصح السيدات بعدم البحث وراء الزوج موضحا: «متفتيش وراه أنا مش بشجع على الخيانة، لكن انتي تقدري تنصحيه عشان البيت ميتخربش».
حكاية القسم عند الكعبة
وتذكر المأذون أحمد رفعت قصة غريبة أخرى، عن سيدة أيضا تشعر بالشك اتجاه زوجها: «الموقف ده أنا مشوفتوش في حياتي واحدة طلبت من جوزها يعملوا عمرة ولما راحوا هناك وهما قدام الكعبة قالتلوا احلف وحياة الكعبة دي أنك مش متجوز عليا وطبعا اضطر يقولها أنه متجوز عليها».
