السيسي عن كثرة الطرق والكباري: نزيد 200 ألف سيارة سنويا وخاصة في المحافظات الكبرى

11:35 م | السبت 06 فبراير 2021

رد الرئيس عبد الفتاح السيسي، على المستغربين من الطفرة التي حدثت في مجال الطرق، وكثرة الكباري والطرق الجديدة، ورغبتهم في تكرار هذه النجاحات في مجالات أخرى، « فيه زيادة سكانية، لازم يبقى فيه توسيع في الطرق، لأننا بنزيد 200 ألف سيارة سنويا خاصة بالمحافظات الكبرى».

وأضاف «السيسي»، خلال مداخلة هاتفية في برنامج «الحكاية»، مع الإعلامي عمرو أديب، على شاشة «mbc مصر»: «إنتو فاكرين إننا بنعمل كتير في الطرق بس؟.. أنا بعمل كتير في كل شيء، مفيش قطاع مش بعمل فيه كدة، بس يمكن قطاع الطرق عشان بتشوفوه وبتخرجوا بسيارتكم وبتشاهدوه بأعينكم».

وتابع: «بعمل الإنجازات دي في قطاع التعليم، وقطاع الزراعة، وقطاع الصناعة، إحنا بنقلل حجم الوقت الضايع والضغط على أعصاب الناس، والله الناس لازم تسأل بتجيب منين لكل ده، والله هيبقى ردي كله من فضل الله».